تاراپتار ترانزيتتىك تاسىمالدار سالاسىنداعى ىنتىماقتاستىقتى كەڭەيتۋ جانە قازاقستاندىق اگروونىمدەردى بالتىق ەلدەرى ارقىلى ەكسپورتتاۋ كولەمىن ۇلعايتۋ پەرسپەكتيۆالارىن تالقىلادى.
استىق جونەلتۋشىلەردى مەملەكەتتىك قولداۋ شارالارى قازاقستاندىق اگروونىمنىڭ الەمدىك نارىقتارعا جەتكىزىلۋ كولەمىنىڭ ارتۋىنا ىقپال ەتتى. 2024-2025 ماركەتينگتىك جىل ىشىندە بالتىق پورتتارى ارقىلى 672 مىڭ توننا قازاقستاندىق استىق ەكسپورتتالدى. سونىڭ ىشىندە شامامەن 116 مىڭ تونناسى سيللامياە پورتى ارقىلى ءوتىپ, سولتۇستىك افريكا ەلدەرىنە جونەلتىلدى. اتاپ ايتقاندا, ۇلتتىق استىق وپەراتورى «ازىق-ت ۇلىك كەلىسىمشارت كورپوراتسياسى» ۇق» اق قازىر دە ەستونيا پورتتارى ارقىلى الجير ساتىپ الۋشىلارىنا استىق جىبەرۋدى جالعاستىرۋدا.
اقمولا وبلىسىنىڭ اگرارلارى وتكەن ماۋسىمدا Muuga Grain Terminal ارقىلى ەۋروپا ەلدەرىنە (يتاليا مەن بەلگياعا) بيداي ەكسپورتتادى.
ايداربەك ساپاروۆ بالتىق پورتتارى تۇراقتى ەكسپورتتىق باعىتتاردى قالىپتاستىرۋدا ماڭىزدى ءرول اتقاراتىنىن اتاپ ءوتتى:
– ءبىز ەستونيامەن ىنتىماقتاستىقتى جوعارى باعالايمىز جانە سىزدەردىڭ ەلدەرىڭىزدى قازاقستاندىق ءونىمدى لوگيستيكا, ساقتاۋ جانە جونەلتۋ سالاسىنداعى ستراتەگيالىق سەرىكتەس رەتىندە قاراستىرامىز. وسى ۋاقىتقا دەيىن قولعا الىنعان تاسىمالدار ەستونيا پورتتارىنىڭ ينفراقۇرىلىمدىق دايىندىعىن كورسەتىپ, ىنتىماقتاستىقتى كەڭەيتۋ الەۋەتىنىڭ زور ەكەنىن دالەلدەدى, – دەدى مينيستر.
سونداي-اق ول قازاقستان بالتىق پورتتارى ارقىلى استىق پەن مايلى داقىلدار ەكسپورتىنىڭ كولەمىن ارتتىرۋعا مۇددەلى ەكەنىنە توقتالدى.
بيىل قازاقستاندىق اگرارلار 27 ملن توننا رەكوردتىق استىق جينادى, ونىڭ ىشىندە 20,3 ملن تونناسى بيدايعا تيەسىلى. ەستونيا پورتتارىنا قولجەتىمدىلىكتى كەڭەيتۋ ەكسپورتتىق باعىتتاردى ارتاراپتاندىرۋعا, سونداي-اق قازاقستاندىق اگروونىمنىڭ ەۋروپا جانە سولتۇستىك افريكا نارىقتارىنا شىعۋىنا قوسىمشا مۇمكىندىكتەر اشادى.
كەزدەسۋ ناتيجەسىندە ەستونيا پورتتارى مەن «ازىق-ت ۇلىك كەلىسىمشارت كورپوراتسياسى» ۇق» اق جانە «كەدەنترانسسەرۆيس» اراسىندا ىنتىماقتاستىق تۋرالى مەموراندۋمعا قول قويۋ ماسەلەسى تالقىلاندى. قۇجاتتار سەرىكتەستەردىڭ كولىك ءدالىزىن بىرلەسىپ دامىتۋ, لوگيستيكالىق پروتسەستەردى وڭتايلاندىرۋ جانە قازاقستاندىق ءونىمدى شەتەل نارىقتارىنا تۇراقتى جانە باسەكەگە قابىلەتتى جەتكىزىلىمدى قامتاماسىز ەتۋگە دەگەن ىنتاسىن بەكىتەدى
