فوتو: اشىق دەرەككوز
«ازاماتتارعا ارنالعان ۇكىمەت» مەملەكەتتىك كورپوراتسياسى اباي وبلىسىنداعى فيليالىنىڭ مالىمەتىنشە, بيىلعى 10 ايدىڭ قورىتىندىسىنا سايكەس وبلىس تۇرعىندارى سابيلەرىنە كوبىنە اباي, يسلام, الينا, جاسمين, ءامينا ەسىمدەرىن كوپ قويعان.
اتالعان كەزەڭدە وڭىردە التى مىڭنان استام بالا دۇنيەگە كەلگەن. بۇل كورسەتكىش وتكەن جىلمەن سالىستىرعاندا 2 000-عا ارتىق. قىز بالالار اراسىندا ەڭ تانىمال ەسىمدەر – الينا مەن جاسمين بولسا, ۇل بالالار اراسىندا اباي مەن يسلام ەسىمدەرى كوش باستاپ تۇر. ءاربىر ەسىم جيىرمادان استام رەت تىركەلگەن.
ال ەل كولەمىندە 2025 جىلدىڭ العاشقى 5 ايىندا ۇل بالالار اراسىندا ايسۇلتان, مۇحاممەد, قىز بالالار اراسىندا ايلين ەسىمدەرى ءجيى بەرىلگەن. زەرتتەۋشىلەردىڭ ايتۋىنشا, ۇلدارعا قويىلاتىن ەڭ تانىمال 20 ەسىمنىڭ 60–70%-ى اراب پارسى (يسلامدىق) قۇرامىنا جاتسا, قىزدارعا قويىلاتىن ەسىمدەردىڭ جارتىسى قازاقشا, قالعانى اراب پارسىشا ەكەن.
