فوتو: pixabay.com
ونىڭ ايتۋىنشا, اگەنتتىك فينتەح جانە تەلەكوم كومپانيالارى كورسەتەتىن جەكەلەگەن قارجىلىق قىزمەتتەرگە قاتىستى جاڭا رەتتەۋ تالاپتارىن ەنگىزۋدى جوسپارلاپ وتىر. ءتيىستى نورمالار قازىر تالقىلانىپ جاتقان قۇجاتقا ەنگىزىلەدى.
ء«بىز بانك تۋرالى زاڭ جوباسىن ازىرلەگەن كەزدە فينتەح جانە تەلەكوم-كومپانيالاردىڭ, سونداي-اق ماركەتپلەيستەر مەن ساۋدا الاڭدارىنىڭ نەسيە بەرۋ قىزمەتىن جۇزەگە اسىراتىنىن جان-جاقتى تالقىلادىق. ياعني, ولار قارىز بەرەدى. ەگەر بۇل تولىقتاي «نەسيە» انىقتاماسىنا سايكەس كەلسە, وندا قارىز الۋشىلاردىڭ قۇقىقتارىن قورعاۋ ءۇشىن ءدال سونداي رەتتەۋ تالاپتارىن ەنگىزۋ قاجەت», دەدى م.ابىلقاسىموۆا.
اگەنتتىك باسشىسىنىڭ ايتۋىنشا, بۇل نورمالار 2026 جىلى ازىرلەنىپ, قابىلدانادى.
«قازىرگى ۋاقىتتا ءبىز بانكتەرگە قاتىسى جوق, قارجى ۇيىمدارىنا كىرمەيتىن ماركەتپلەيستەر ءوز تاۋارلارى مەن قىزمەتتەرىن نەسيە نەمەسە بولەپ تولەۋ ارقىلى ۇسىنىپ وتىرعانىن كورىپ وتىرمىز. ياعني, بۇل – فاكتى بويىنشا نەسيە قىزمەتى, ونىڭ بارلىق بەلگىلەرى بار. ەگەر ول نەسيەنىڭ بەلگىلەرىنە يە بولسا, وندا ول نەسيە رەتىندە رەتتەلۋى ءتيىس», دەپ ەسەپتەيدى كنردا توراعاسى.
مۇنداي قارجىلىق ونىمدەر ءۇشىن سىياقىنىڭ شەكتى مولشەرلەمەلەرى بەلگىلەنەدى جانە تۇتىنۋشىلاردىڭ قۇقىقتارىن قورعاۋعا قاتىستى بارلىق تالاپتار قولدانىلادى.
«ەگەر ءونىمنىڭ تابيعاتى بويىنشا ول نەسيە بولسا, وندا وعان ءتيىستى رەتتەۋ قاجەت. تاعى دا اتاپ وتكىم كەلەدى: بۇل تەلەكوم جانە فينتەح كومپانيالارىنىڭ بۇكىل قىزمەتىن رەتتەۋ ەمەس, تەك اگەنتتىكتىڭ قاداعالاۋىنا جاتاتىن قارجىلىق قىزمەتتەرىن رەتتەۋ. مۇنداي جاعدايدا ءبىز ولار ءۇشىن باسقا دا كرەديتتىك ۇيىمدارداعىداي بىردەي تالاپتاردى بەلگىلەۋىمىز كەرەك», دەدى ول.
بۇعان دەيىن XIII قارجىگەرلەر كونگرەسىندە اگەنتتىك باسشىسى تەلەكوم جانە فينتەح كومپانيالارى تاراپىنان بەرىلەتىن نەسيەلەر جالپى شارتتار بويىنشا رەتتەلەتىنىن حابارلاپ, وسى كەزگە دەيىن مۇنداي ونىمدەر ءتيىستى باقىلاۋمەن قامتىلماعانىن ايتقان.
