فوتو: قارجى نارىعىن رەتتەۋ جانە دامىتۋ اگەنتتىگى
«ەكىنشى دەڭگەيدەگى بانكتەرگە, قازاقستان رەسپۋبليكاسىنىڭ بەيرەزيدەنت-بانكتەرىنىڭ فيليالدارىنا ارنالعان تاۋەكەلدەردى باسقارۋ جانە ىشكى باقىلاۋ جۇيەسىن قالىپتاستىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2019 جىلعى 12 قاراشاداعى № 188 قاۋلىسىنا وزگەرىس پەن تولىقتىرۋ ەنگىزۋ تۋرالى» قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگى باسقارماسىنىڭ 2025 جىلعى 7 قاراشاداعى № 70 قاۋلىسى», دەلىنگەن قۇجاتتىڭ تولىق ماتىنىندە.
قاۋلىدا سوڭعى 12 ايدا 90 كۇننەن اسا كەشىكتىرىلگەن قارىزى بار قارىز الۋشىلار ءۇشىن بورىش جۇكتەمەسى كوەففيتسيەنتىن (بجك) 0,5-تەن 0,25-كە دەيىن تومەندەتۋ كوزدەلەدى, بۇل وسى قارىز الۋشىلاردىڭ ارتىق مىندەتتەمەلەر الۋ مۇمكىندىگىن شەكتەۋگە جانە قايتا دەفولت ىقتيمالدىعىن ازايتۋعا مۇمكىندىك بەرەدى.
قارجى نارىعىن رەتتەۋ جانە دامىتۋ اگەنتتىگىنىڭ ءباسپاسوز قىزمەتىنىڭ مالىمدەۋىنشە, مىنا تالاپتاردىڭ ءبىرى بولعان كەزدە كەپىلسىز تۇتىنۋشىلىق قارىزداردى بەرۋگە شەكتەۋ ەنگىزىلەدى:
- بانكتىك قارىزدار بويىنشا كۇنتىزبەلىك 30 كۇننەن اسا جانە (نەمەسە) ميكروكرەديتتەر بويىنشا 1 كۇننەن اسا تولەم مەرزىمى وتكەن كەزدە,
- 2025 جىلعى 1 شىلدەدەن باستاپ سوڭعى 36 ايدا نەگىزگى بورىش جانە (نەمەسە) سىياقى بويىنشا تولىق كەشىرىلگەن بەرەشەك بولعان كەزدە,
- سوڭعى 12 ايدا قارىز الۋشىنىڭ ءوز مىندەتتەمەلەرىن تيىسىنشە ورىنداۋىنا ىقپال ەتپەگەن قايتا قۇرىلىمداۋ جۇرگىزىلسە.
اتالعان وزگەرىستەر اعىمداعى جىلعى 24 قاراشادان باستاپ كۇشىنە ەنەدى.
