فوتو: kursiv.media
بۇدان دا كوپ كورسەتكىش سوڭعى رەت 2013 جىلى تىركەلىپتى. ال ەلدىڭ جالپى يمميگراتسياداعى ۇلەسى 2014 جىلدىڭ قاڭتار-قىركۇيەگىنەن بەرى العاش رەت 50%-دان اسىپ وتىر.
وزبەكستاننان كەلۋشىلەردىڭ ۇلەسىنىڭ 50%-عا جۋىق دەڭگەيى 2010 جىلدارى بايقالعان ەكەن. بىراق كەيىن بۇل كورسەتكىش تە, رەسپۋبليكادان كەلگەن يمميگرانتتاردىڭ جالپى سانى دا تومەندەگەن.
ايتا كەتەرلىگى, 2016 جىلدىڭ قاڭتار-قىركۇيەگىنە قاتىستى ەگجەي-تەگجەيلى دەرەكتەر جوق. الايدا, بەلگىلى بولعانى – سول جىلى وزبەكستاننىڭ ۇلەسى جىل قورىتىندىسى بويىنشا تەك 37% بولعان. يمميگراتسيالىق اعىم جىل ىشىندە ادەتتە بىركەلكى جۇرەتىنىن ەسكەرسەك, ءۇش توقسانداعى ناتيجە بۇدان كوپ ايىرماشىلىققا يە بولماعانى انىق.
بيىلعى جاعداي نەلىكتەن وزگەردى؟
وزبەكستاننان كەلگەندەردىڭ سانى بيىل بىلتىرعى جىلمەن سالىستىرعاندا 11%-عا عانا ارتقان. الايدا ەلدىڭ يمميگراتسياداعى ۇلەسى بىردەن 15 پايىزدىق تارماققا ارتتى.
بۇل نەلىكتەن بولدى؟ سەبەبى يمميگرانتتاردىڭ جالپى سانى بىلتىرعى 20,4 مىڭنان بيىلعى 16,2 مىڭعا كۇرت تومەندەدى. مۇنىڭ نەگىزگى سەبەبى:
رەسەيدەن تۇراقتى تۇرۋعا كەلگەندەردىڭ سانى 47%-عا ازايعان (3,1 مىڭ ادامعا دەيىن).
موڭعوليادان كەلگەندەر بىلتىرعى «سەكىرىستەن» كەيىن 71%-عا تومەندەپ, 0,3 مىڭ ادامعا دەيىن قىسقارعان.
وزبەكستاننان قاي ۇلت وكىلدەرى كەلىپ جاتىر؟
ەتنوستىق قۇرىلىم بويىنشا دەرەكتەرگە سايكەس, وزبەكستاننان كەلۋشىلەردىڭ ۇشتەن ەكى بولىگى – قازاقتار. ولار كوبىنە قازاقستاننىڭ وڭتۇستىك جانە باتىس ايماقتارىن تاڭداپ وتىر.
قونىستاناتىن وڭىرلەر بويىنشا كورسەتكىش: الماتى وبلىسى – كەلگەندەردىڭ 41%-ى, ماڭعىستاۋ وبلىسى – تاعى 22%-ى.
