فوتو: elorda.info.kz
قىس – ورتاشا جىلى, بىراق قۇبىلمالى بولادى
بولجامعا سايكەس, الداعى قىس ەلىمىزدىڭ كوپ وڭىرىندە كليماتتىق نورمادان اۋىتقىماعان, اسا قاتقىل ەمەس مىنەز تانىتادى. جاۋىن-شاشىن مولشەرى ورتاشا دەڭگەيدە ساقتالعانىمەن, قىس بويى جەكەلەگەن كۇندەرى بوران, جەلدىڭ كۇشەيۋى, مول قار, كوكتايعاق جانە تۇمان سياقتى قولايسىز جاعدايلار تۋىنداۋى ىقتيمال. قازگيدرومەت ماماندارى مۇنداي قۇبىلىستاردىڭ دەر كەزىندە حابارلانىپ وتىراتىنىن اتاپ ءوتتى.
اتلانتتىق تسيكلون اسەرى: جاڭبىر, قار جانە كوكتايعاق
جاقىن كۇندەرى قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى. بۇعان ەلىمىزگە جىلجي كىرگەن كەزەكتى اتلانتتىق تسيكلون سەبەپ بولىپ وتىر. ونىڭ اسەرىنەن جاڭبىر مەن قار تۇرىندەگى جاۋىن-شاشىن كۇتىلەدى, سولتۇستىك وڭىرلەردە باياۋ جىلدامدىقتاعى بوران سوعىپ, كوكتايعاق قالىپتاسۋى مۇمكىن. رەسپۋبليكا كولەمىندە جەل كۇشەيىپ, تۇنگى مەزگىلدەردە تۇمان جيىلەيدى.
تەك وڭتۇستىك-باتىس وڭىرلەردە, سونداي-اق 19–20 قاراشا كۇندەرى شىعىس ايماقتاردا انتيتسيكلون جوتاسىنىڭ ىقپالىنا بايلانىستى جاۋىن-شاشىنسىز كۇن رايى بولجانىپ وتىر.
تەمپەراتۋرا ايتارلىقتاي وزگەرمەيدى
سينوپتيكتەردىڭ ايتۋىنشا, الداعى كۇندەرى تەمپەراتۋرالىق فون تۇراقتى ساقتالادى. تەك شىعىس وڭىرلەردە تۇندە اياز 6–23 گرادۋسقا دەيىن تومەندەپ, كۇندىز اۋا تەمپەراتۋراسى 2–10 گرادۋس جىلىلىقتى كورسەتەدى.
قازگيدرومەت ماماندارى قىس مەزگىلىنە قاتىستى جاڭارتىلعان دەرەكتەر مەن ەگجەي-تەگجەيلى بولجامدار مەكەمەنىڭ رەسمي رەسۋرستارىندا تۇراقتى جاريالانىپ وتىراتىنىن حابارلادى.
