سۋرەت: kaz.zakon.kz
مەملەكەت باسشىسى قاسىم-جومارت توقاەۆ كورنەكتى اقىن, «قۇرمەت», «پاراسات» وردەندەرىنىڭ يەگەرى كۇلاش احمەتوۆانىڭ دۇنيەدەن وتۋىنە بايلانىستى ونىڭ وتباسى مەن جاقىن-جۋىقتارىنا كوڭىل ايتتى.
– كۇلاش احمەتوۆا بار عيبراتتى عۇمىرىن ساۋلەلى ءسوز ونەرىنە ارناعان, ۇلتتىق ادەبيەتىمىزدىڭ كوكجيەگىن كەڭەيتۋگە مول ۇلەس قوسقان حالقىمىزدىڭ اياۋلى اقىنى ەدى. نازىك قالامىنان تۋعان سىرشىل ولەڭدەرى, ەلدىكتى دارىپتەگەن جالىندى جىرلارى وقىرمان تاراپىنان اسا جوعارى باعاعا يە بولدى. ونەگەلى ءومىر ءسۇرىپ, سوڭىنا ادەبي باي مۇرا قالدىرعان كۇلاش احمەتوۆانىڭ ەسىمى مەن جارقىن بەينەسى ۇمىتىلمايدى, – دەلىنگەن جەدەلحاتتا.
