جوبا قازاقستاننىڭ مادەني جانە تابيعي مۇراسىن ناسيحاتتاۋعا, ونەر, مۋزىكا جانە بىرەگەي تابيعاتتىڭ ۇيلەسىمىن كورسەتۋگە باعىتتالعان. بوزجىرانىڭ اسقاق اق جارتاستارىنىڭ اياسىندا تەمىرلان بەيسەنباي الەمگە ايگىلى كومپوزيتور حانس تسيممەردىڭ «Interstellar» فيلمىنەن الىنعان Cornfield Chase كومپوزيتسياسىن ورىندادى.
ءتۇسىرىلىم ماڭعىستاۋ وبلىسىنىڭ تۋريزم باسقارماسى جانە Rixos Water World Aktau قوناقۇي كەشەنىنىڭ قولداۋىمەن جۇزەگە استى.
«بوزجىرا – ماڭعىستاۋدىڭ ەڭ تانىمال تۋريستىك ورىندارىنىڭ ءبىرى. مۇنداعى تابيعات مۋزىكا ۇنىمەن ۇندەسىپ تۇرعانداي اسەر قالدىرادى. وسىنداي شىعارماشىلىق باستامالار ءوڭىردىڭ سۇلۋلىعىنا وزگە كوزقاراسپەن قاراۋعا, ونى ونەر ارقىلى جەتكىزۋگە مۇمكىندىك بەرەدى دەپ ەسەپتەيمىز», دەدى ۇيىمداستىرۋشىلار.
