فوتو: ەرلار ومار
ەڭبەك جانە حالىقتى الەۋمەتتىك قورعاۋ مينيسترلىگى سونداي-اق, ءتۇرلى ۇيىمداردا جۇرگىزىلگەن تەكسەرۋلەر بارىسىندا ەڭبەك قۇقىعى بۇزىلۋىنىڭ 6,5 مىڭنان استام دەرەگى تىركەلگەنىن حابارلادى.
«جالاقى بويىنشا بەرەشەگى جانە ەڭبەك قۇقىعىنىڭ بۇزىلۋى انىقتالعان كاسىپورىنداردىڭ باسشىلارىنا ورىنداۋعا مىندەتتى 3 369 ۇيعارىم بەرىلدى جانە 428,2 ملن تەڭگەدەن استام سوماعا ايىپپۇل سالىندى.قابىلدانعان شارالاردىڭ, ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 9,6 مىڭ جۇمىسكەردىڭ قۇقىقتارى قورعالدى. ولارعا 2 ملرد تەڭگە تولەندى», دەلىنگەن حابارلامادا.
ۆەدومستۆو ەڭبەك زاڭناماسىنىڭ ساقتالۋىنا مەملەكەتتىك باقىلاۋدى ەرەكشە نازاردا ۇستاپ وتىر. 2025 جىلعى 1 قاراشاعا دەيىن ەڭبەك ينسپەكتورلارى 5 306 تەكسەرۋ جۇرگىزىپ, 6 571 زاڭبۇزۋشىلىقتى انىقتاعان. ونىڭ ىشىندە ەڭبەك سالاسىندا – 5 427, ەڭبەك قاۋىپسىزدىگى جانە ەڭبەكتى قورعاۋ بويىنشا – 1 111, حالىقتى جۇمىسپەن قامتۋ بويىنشا – 33.
اتقارىلعان جۇمىستاردىڭ ناتيجەسىندە 40 مىڭ جۇمىسكەردىڭ ەڭبەك قۇقىعى قورعالعان.
