كوميسسيانىڭ وڭ شەشىمىن العانداردىڭ قاتارىندا 52 جەكە كاسىپكەر, 47 جۇمىسسىز ازامات بار. قالادا جىل باسىنان بەرى جالپى سانى 432 ادام قايتارىمسىز گرانت العان. جەڭىمپازداردىڭ باسىم بولىگى الەۋمەتتىك وسال توپتاردان: كوپ بالالى 55 وتباسى, مۇگەدەكتىگى بار 21 ازامات, 17 ەرەكشە بالانى تاربيەلەپ وتىرعان اتا-انا, اسىراۋشىسىنان ايرىلعان 5 ادام جانە 1 اتاۋلى الەۋمەتتىك كومەك الۋشى.
جاڭا جوبالار وسى مەملەكەتتىك قولداۋدىڭ كومەگىمەن قالا ەكونوميكاسىن دامىتۋعا جانە جۇمىس ورىندارىن قۇرۋعا ءوز ۇلەسىن قوسادى دەپ كۇتىلۋدە.
ايتا كەتەيىك, گرانتقا وتىنىشتەر ەnbek.business.kz پورتالى ارقىلى قابىلدانادى. ۇمىتكەرلەر ءوز بيزنەس-جوبالارىن ونلاين تىركەپ, كەيىن كوميسسيا الدىندا قورعايدى.
گرانتتاردىڭ باستى ماقساتى – ازاماتتاردى كاسىپكەرلىككە ىنتالاندىرۋ, جاڭا جۇمىس ورىندارىن اشۋ جانە ەكونوميكانى دامىتۋ. مەملەكەتتەن بەرىلگەن قارجى قايتارىمسىز بولعانىمەن, ونىڭ ماقساتتى جۇمسالۋى قاتاڭ باقىلانادى. ەڭبەك موبيلدىلىگى ورتالىعىندا ارنايى مونيتورينگ توبى جۇمىس ىستەپ, جوبالاردىڭ ىسكە اسۋىن قاداعالايدى. ەگەر قارجى ماقساتسىز جۇمسالسا, ول مەملەكەتكە قايتارىلادى.
