بۇرىن جينالعان استىق تۇگەلىمەن مەملەكەتتىكى سانالىپ, ونى تۇتاستاي حالىقتىكى دەپ ەسەپتەيتىنبىز. ال قازىر استىقتى جەكەمەنشىك كورپوراتسيالار, سەرىكتەستىكتەر, قوجالىقتار وندىرەدى. بىراق «ەلدە بولسا, ەمەرسىڭ» دەگەندەي ولاردىڭ تابىسىنان مەملەكەتتىك بيۋدجەتكە سالىق ارقىلى تولىمدى تابىس تۇسەدى. ودان بولەك, مەملەكەت بيىل بەرگەن 1 ترلن تەڭگە كومەگىن 5 پايىزدىق وسىممەن وزىنە قايتارادى. بۇل دا زور تابىس.
جۋىردا, وراق ناۋقانىنىڭ اياقتالۋىنا بايلانىستى بولعان ۇكىمەت وتىرىسىندا پرەمەر-مينيستر ولجاس بەكتەنوۆ ديقانداردى زور تابىسىمەن قۇتتىقتاپ, قاجىرلى ەڭبەكتەرى ءۇشىن ولارعا العىس ءبىلدىردى. سونىمەن قاتار ول بيىل اۋىل شارۋاشىلىعى ءوندىرىسىن قولداۋعا مەملەكەت 1 ترلن تەڭگە قاراجات بولگەنىن, سونىڭ ارقاسىندا ديقاندارعا تۇقىم, ارزانداتىلعان جانار-جاعارماي, تىڭايتقىش تولىق جەتتى.
«جەر جاعدايى مەن قولايلى اۋا رايى عانا ەمەس, اگروتەحنولوگيالاردى تولىق ساقتاۋ دا ۇلكەن تابىسقا جەتكىزەدى. دۇرىس اگروتەحنولوگيا – جاقسى ەگىننىڭ كەپىلى. سوندا عانا ءبىزدىڭ ونىمدەرىمىز ەكسپورتتىق نارىقتاردا بəسەكەگە قابىلەتتى بولادى», دەدى و.بەكتەنوۆ.
اۋىل شارۋاشىلىعى ءمينيسترى ايداربەك ساپاروۆ كەيىنگى جىلداردا اۋىل شارۋاشىلىعى ءوندىرىسى تۇراقتى ءوسىم بەرىپ وتىرعانىن جەتكىزدى. «بيىل 16 ملن گەكتار القاپتان ءونىم الىنىپ, گەكتار ونىمدىلىگى 17 تسەنتنەردەن بولدى», دەدى ول. بۇل دا ۇلكەن تابىس, بۇرىن گەكتار ونىمدىلىگى 14 تسەنتنەردەن اسپايتىن. دەمەك, اگروتەحنولوگيالىق ۇدەرىستەر تولىق ساقتالسا جەر انانىڭ بەرەرى ءالى دە مول ەكەن. ءمينيستردىڭ ايتۋىنشا, جەرگە كوڭىل ءبولۋ, ءəربىر القاپتى زەرتتەپ ەگۋ جəنە عىلىمي ۇسىنىستى ەسكەرۋ ماڭىزدى.
مول استىققا سولتۇستىك قازاقستان وبلىسى دا ءوزىنىڭ قوماقتى ۇلەسىن قوستى. بىلتىر 6,2 ملن توننا استىق جيناپ, وبلىس تاريحىندا رەكوردتىق كورسەتكىشكە جەتسە, بيىل ءوز رەكوردتىن جاڭارتىپ, 6,5 ملن توننا استىق جينادى. بارلىق اگروتەحنيكالىق شارالاردى ءوز مەزگىلىندە تولىق ورىنداعان «زەنچەنكو ي ك», «ۆاگۋلينسكوە», «نوعايباي», «ارقالىق» سياقتى شارۋاشىلىقتار گەكتارىنان 60 تسەنتنەردەن جانە ودان دا جوعارى ءونىم الىپ, ءوز القاپتارىندا رەكوردتىق كورسەتكىشكە قول جەتكىزدى. رەسپۋبليكا كۇنى قارساڭىندا «مامبەتوۆ جانە ك» كومانديتتىك سەرىكتەستىگىنىڭ مەحانيزاتورى مۇرات قاراجۇمانوۆتىڭ قازاقستاننىڭ ەڭبەك ەرى جوعارى اتاعىن الۋى دا استىقتىڭ بيىلعى جوعارى شىعىمدىلىعىمەن بايلانىستى ەكەنى داۋسىز. بۇل ماراپات بارلىق سولتۇستىكقازاقستاندىق ديقانداردىڭ ەڭبەگىنە بەرىلگەن باعا بولدى.
ۇكىمەت وتىرىسىندا سولتۇستىك قازاقستان وبلىسىنىڭ əكىمى عاۋەز نۇرمۇحامبەتوۆ قازىر 2026 جىلعى ەگىن ناۋقانىنا دايىندىق باستالىپ كەتكەنىن جەتكىزدى. «ەگىس قۇرىلىمىن الدىن الا جوسپارلاۋ ءجۇرىپ جاتىر. Əرتاراپتاندىرۋ باعىتى جالعاسادى. سۋدى كوپ قاجەت ەتەتىن داقىلدار ازايتىلادى. جوعارى تابىستى داقىلدارعا باسىمدىق بەرىلەدى», دەدى ءوڭىر باسشىسى.
سولتۇستىك قازاقستان وبلىسى
