كۇنى كەشە شىمكەنت تۇرعىنى جۇكتى ايەلدەردىڭ اتىنا زاڭسىز 217 ملن تەڭگە تولەم راسىمدەگەن. قالا پروكۋراتۋراسى الەۋمەتتىك تولەمدەردىڭ تاعايىندالۋ زاڭدىلىعىنا جۇرگىزگەن تالداۋ ناتيجەسىندە «ۋ» ەسىمدى ازاماتشانىڭ زاڭسىز ءىس-ارەكەتىن اشكەرەلەدى. تالداۋ بارىسىندا اتالعان ازاماتشا جەكە كاسىپكەرلەردىڭ ەلەكتروندىق تسيفرلىق قولتاڭبا كىلتتەرىن پايدالانىپ, جۇكتى ايەلدەردى كاسىپورىندارعا جالعان جۇمىسقا ورنالاستىرعانى انىقتالدى.
ءارى قاراي ول جۇكتى ايەلدەردىڭ اتىنا زاڭسىز تۇردە الەۋمەتتىك تولەمدەردى راسىمدەپ, بەلگىلەنگەن قاراجاتتى ءوز قاجەتتىلىگىنە جۇمساعان. زاڭسىز ءىس-ارەكەتتىڭ سالدارىنان مەملەكەتكە 217 ملن تگ كولەمىندە شىعىن كەلتىرىلگەن.
«ايىپتالۋشى جالعان ەڭبەك كەلىسىمدەرى مەن بوگدە تۇلعالاردىڭ ەتسق-سىن پايدالانا وتىرىپ تولەمدەردى الىپ كەلگەن. ولار كىمدەردىڭ قولتاڭباسى, كىم كومەكتەسكەن سولارعا يە بولۋعا؟ بۇل وقيعا كەزدەيسوق ەمەس. ويتكەنى ەتسق راسىمدەۋ جانە ۆەريفيكاتسيا پروتسەستەرى — ءدال وسى «ازاماتتارعا ارنالعان ۇكىمەت» جۇيەسى ارقىلى وتەدى. ياعني مۇنداي كولەمدەگى الاياقتىق ىشكى باقىلاۋ تەتىگىنىڭ ىستەن شىققانىن كورسەتەدى», دەپ جازدى دەپۋتات.
ونىڭ ايتۋىنشا, بىرنەشە اي بۇرىن ءدال سول فيليالدا جۇرگىزۋشى كۋالىكتەرىن زاڭسىز ساتۋ فاكتىسى بويىنشا ءىرى قىلمىستىق ءىس اشىلعانى دا جاريالاندى.
«اگەنتتىكتىڭ رەسمي اقپاراتىنا سايكەس, 500-دەن استام ادام ەمتيحان تاپسىرماي-اق كۋالىك العان. «قىزمەتتىڭ» قۇنى – 150–400 مىڭ تەڭگە, ال ۇيىمداسقان توپتىڭ تابىسى 150 ميلليون تەڭگەدەن اسقان. بۇل جاعداي دا ءدال سول جۇيەنىڭ ىشىندە ورىن العان. ءبىر جەردە – ەتسق ارقىلى الەۋمەتتىك تولەمدەر ۇرلانىپ جاتسا, ەكىنشى جەردە – جۇرگىزۋشى كۋالىكتەرى اقىلى تۇردە «ساتىلىپ» كەلگەن. دەمەك, ماسەلە — جەكە قىزمەتكەرلەردە ەمەس, باقىلاۋ مەن باسقارۋ جۇيەسىنىڭ السىزدىگىندە.ەڭ سوراقىسى – رەسمي تەرگەۋدە كورسەتكەندەي, شىمكەنت فيليالىندا شەتەلدە جۇرگەن تۇلعانىڭ اتىنا ەلەكتروندىق تسيفرلىق قولتاڭبا (ەتسق) راسىمدەلگەن, جانە بۇل ەتسق كەيىن قازاقستان اۋماعىندا بەلسەندى پايدالانىلعان. اتالعان ەتسق كومپانيالاردى تىركەۋ, سالىق ەسەپتەرى, بۋحگالتەرلىك قۇجاتتار مەن مەملەكەتتىك ورگاندارمەن حات الماسۋدا, ءتىپتى سوت ءىس-قارالارىندا پايدالانىلعان. بۇل — مەملەكەتتىك قىزمەت كورسەتۋ سالاسىنداعى قاۋىپسىزدىك پەن زاڭدىلىقتىڭ ايقىن بۇزىلۋى», دەيدى ول.
دەپۋتات وسى دەرەكتەر نەگىزىندە ۇكىمەت باسشىلىعىنا دەپۋتاتتىق ساۋال جولدايتىنىن جانە تەرگەۋ ناتيجەلەرى مەن جۇيەلىك السىزدىكتەردى جان-جاقتى قاراۋدى تالاپ ەتەتىنىن ايتتى. ونىڭ ماقساتى — كىنالىلەردى عانا ەمەس, جۇيەدەگى تۇبىرتەكتى اقاۋلاردى انىقتاپ, ولاردى جويۋ.
