ينفوگرافيكانى جاساعان زاۋرەش سماعۇل, «ەQ»
سالىستىرمالى تۇردە, 2024 جىلدىڭ قاڭتار-قىركۇيەك ايلارىندا ەلگە 20 383 ادام كوشىپ كەلىپ, 10 201 ادام كوشىپ كەتكەن. سول كەزەڭدەگى كوشى-قون سالدوسى دا شامامەن 10 182 ادامدى قۇراعان بولاتىن, ياعني 2025 جىلعى كورسەتكىشپەن بىردەي.
ەلدىڭ نەگىزگى كوشى-قون الماسۋى تمد ەلدەرىمەن جۇزەگە اسىپ وتىر. بۇل ەلدەرىنەن كەلگەندەردىڭ ۇلەسى 82,7%-دى, ال وسى كەتكەندەردىڭ ۇلەسى 73,2%-دى قۇرادى. ال باسقا ەلدەردەن قازاقستانعا قونىس اۋدارعانداردىڭ ىشىندە قىتاي, موڭعوليا جانە تۇركيا ازاماتتارى باسىم.
تاعى ءبىر نازار اۋدارارلىق جايت – ەلدەن كەتكەن جانە ەلگە ورالعان ازاماتتاردىڭ ەتنيكالىق قۇرامى دەرلىك بىردەي. 2025 جىلى قازاقستاننان كەتكەندەردىڭ 82,26%-ى – قازاقتار, 6,03%-ى – ورىستار, 2,99%-ى – وزبەكتەر بولسا, ەلگە كەلگەندەردىڭ اراسىندا دا 82,27% – قازاق, 6,16% – ورىس, 2,92% – وزبەك بار.
2025 جىلى قازاقستانعا كەلگەندەردىڭ باسىم بولىگى الماتى وبلىسىنا – 4,4 مىڭ ادام, الماتىعا – 2,6 مىڭ ادام, ماڭعىستاۋ وبلىسىنا – 2,3 مىڭ ادام, استاناعا – 1 مىڭ ادام قونىس اۋدارعان.
ەل ىشىندەگى وڭىرارالىق كوشى-قون دا جاندانىپ كەلەدى. بىلتىرعى جىلمەن سالىستىرعاندا ىشكى كوش 22,8 پايىزعا ارتقان. ايماقارالىق كوشى-قون تۇرعىسىنان ەلدىڭ ءتورت ايماعىندا وڭ كوشى-قون تازا كورسەتكىشى بايقالدى:
- استانا – 67 200 ادام;
- الماتى – 27 800 ادام;
- شىمكەنت – 13 000 ادام;
- الماتى وبلىسى – 8000 ادام.
