پاۆلودار. 24 ماۋسىم. ەلىمىزدىڭ بۇقارالىق اقپارات قۇرالدارى مەرەكەسى قارساڭىندا وبلىستىق «قازاقستان – پاۆلودار» تەلەارناسىنىڭ ۇجىمى وڭىردەگى باق وكىلدەرى اراسىندا ۆولەيبولدان تۋرنير ۇيىمداستىردى. بۇل تۋرالى egemen.kz ءتىلشىسى حابارلادى.
جارىس پاۆلودار اۋدانى زاريا اۋىلىنىڭ سپورتتىق كەشەنىندە ءوتتى. تۋرنيرگە باق وكىلدەرىنەن قۇرالعان 10 كوماندا قاتىسىپ, باق سىنادى. بۇعان ەرلەر اراسىندا وتكەن جارىسقا «سارىارقا سامالى» گازەتى, «حالىق راديو» وبلىستىق راديوسى, «قازاقستان-پاۆلودار» تەلەارناسى, «ەرتىس ينفورم», «قازتەلەراديو», ءباسپاسوز قىزمەتتەرىنىڭ قۇراماسى, ۋنيۆەرسيەتەتىڭ جۋرفاك قۇراماسى, جەلەزينكا اۋدانىنىڭ باق قۇراماسى قاتىسسا, ايەلدەر جارىسىندا «حالىق راديوسى قىزدارى» مەن «قازاقستان-پاۆلودار قىزدارى» كوماندالارى باق سىناستى.
تۋرنير سوڭىندا «قازاقستان-پاۆلودار» تەلەارناسىنىڭ «ەرتىس ينفورم» قۇراماسى ءۇشىنشى ورىندى يەلەندى. «ەڭ ۇزدىك ويىنشى» اتالىمى بويىنشا «سارىارقا سامالى» گازەتىنىڭ رەداكتورى اسىل ابىشەۆ پەن «قازاقستان-پاۆلودار» تەلەارناسىنىڭ ءتىلشىسى اقمارال ەلشىن ماراپاتتالدى.
فاريدا بىقاي.
دەرەك, سۋرەت: egemen.kz
