فوتو: Depositphotos.com
اكىمنىڭ سوزىنشە, كونكۋرس كوكتەم ايلارىندا وتكەن, سەبەبى قارجى الدىن الا بولىنگەن. سونىڭ ناتيجەسىندە شامامەن 40 ملن تەڭگە ۇنەمدەلىپتى.
«جاڭاجىلدىق بەزەندىرۋگە 200 ملن تەڭگە ءبولىندى. ونىڭ 160 ميلليونى بويىنشا قولدانىستاعى كەلىسىمشارت بار. ءتيىستى كەلىسىمشارت جاسالدى. پروتسەدۋرانى ەرتەرەك وتكىزۋىمىزدىڭ ارقاسىندا بەزەندىرۋگە قاجەت ەلەمەنتتەردى الدىن الا تاپسىرىس بەرە الدىق», دەدى ە.ورازالين.
سونىمەن قاتار, مەدەۋ اۋدانىندا مۋرالدار مەن شىعىس اينالما اۆتوجولىنىڭ بويىنداعى اۋماقتار دا بەزەندىرىلمەك.
ء«بىز بەزەندىرۋ ەلەمەنتتەرىن جاڭا جىل قارساڭىندا عانا ەمەس, ودان كەيىن دە پايدالانۋعا بولاتىنداي ەتىپ تاڭداپ الدىق. وسىلايشا ساپالى ماتەريالدارعا الدىن الا تاپسىرىس بەردىك. قازىر ولاردىڭ بارلىعى دايىن, ال ورناتۋ جۇمىستارىن كەلەسى اپتادا باستايمىز. ءداستۇر بويىنشا بەزەندىرۋ جەلتوقساننىڭ ورتاسىنا قاراي اياقتالادى», دەپ قوستى اۋدان اكىمى.
