اتاپ ايتقاندا, مىندەتتى كاسىپتىك زەينەتاقى جارنالارىن ەسەپتەۋ كەزىندە قىزمەتكەردىڭ سالىق كودەكسىندە كوزدەلگەن بارلىق ايلىق تابىستارى ەسكەرىلەتىنى ناقتىلاندى.
مىندەتتى كاسىپتىك زەينەتاقى جارنالارىن ەسەپتەۋ كەزىندە كەلەسى تولەم تۇرلەرى ەسكەرىلمەيدى:
-
سالىق كودەكسىنىڭ 365-بابىندا كورسەتىلگەن (جەكە تۇلعانىڭ تابىسى بولىپ سانالمايتىن) تولەمدەر;
-
تابىس كوزى بولىپ تابىلاتىن تۇلعانىڭ سالىق سالىناتىن تابىسىن ازايتاتىن تولەمدەر.
مىندەتتى كاسىپتىك زەينەتاقى جارنالارىن تولەۋگە ارنالعان شىعىندار اگەنتتىڭ ەڭبەكاقى قورىنىڭ قۇرامىنا كىرەدى.
جالپى, تۇزەتۋلەر مىنا باعىتتاردا ەنگىزىلدى:
-
بىرىڭعاي جيناقتاۋشى زەينەتاقى قورىنا (بجزق) اۋدارىلمايتىن جانە مىندەتتى كاسىپتىك زەينەتاقى جارنالارى (مكزج), سونداي-اق جۇمىس بەرۋشىنىڭ مىندەتتى زەينەتاقى جارنالارى (جمزج) ەسەپتەلمەيتىن تولەمدەر مەن تابىستاردى انىقتاۋ;
-
ينتەرنەت-پلاتفورمالار مەن ءموبيلدى قوسىمشالار ارقىلى قىزمەت كورسەتەتىن نەمەسە جۇمىس اتقاراتىن جەكە تۇلعالار ءۇشىن پلاتفورمالىق جۇمىسپەن قامتۋدىڭ ينتەرنەت-پلاتفورماسى وپەراتورىنىڭ مىندەتتى زەينەتاقى جارنالارىن تولەۋ اگەنتى رەتىندە بەلگىلەنۋى;
-
ءوزىن-ءوزى جۇمىسپەن قامتىعاندار ءۇشىن ارنايى سالىق رەجيمىن (اسر) قولداناتىن تۇلعا ۇعىمىنىڭ ەنگىزىلۋى;
-
ءوزىن-ءوزى جۇمىسپەن قامتىعاندار ءۇشىن اسر قولدانۋ كەزىندە مىندەتتى زەينەتاقى جارنالارىنىڭ ەسەپتەۋ وبەكتىسىن, مولشەرلەمەسىن جانە تولەۋ مەرزىمىن ايقىنداۋ;
-
مىندەتتى زەينەتاقى جارنالارى (مزج) مەن مىندەتتى كاسىپتىك زەينەتاقى جارنالارى (مكزج) بويىنشا بەرەشەك سوماسى 6 ايلىق ەسەپتىك كورسەتكىشتەن (اەك) اسقان جاعدايدا, مەملەكەتتىك كىرىستەر ورگانىنىڭ قارىز تۋرالى حابارلاما جىبەرۋ جانە شارا قولدانۋ ءتارتىبىن بەلگىلەۋ.
قۇجاتتا كورسەتىلگەندەي, مىندەتتى زەينەتاقى جارنالارى مەن مىندەتتى كاسىپتىك زەينەتاقى جارنالارى بويىنشا 6 اەك-تەن استام بەرەشەك وتەلمەگەن جاعدايدا, اگەنت قىزمەتكەرلەر ءتىزىمىن مەملەكەتتىك كىرىستەر ورگانىنا حابارلاما تابىس ەتىلگەن كۇننەن باستاپ 15 جۇمىس كۇنى ىشىندە ۇسىنۋى ءتيىس.
مەملەكەتتىك كىرىستەر ورگانى بەرەشەك 6 اەك-تەن اسقان كۇننەن باستاپ 5 جۇمىس كۇنىنەن كەشىكتىرمەي, جۇمىس بەرۋشىنىڭ مىندەتتى زەينەتاقى جارنالارى بويىنشا بەرەشەك سوماسى تۋرالى حابارلامانى اگەنتكە جولدايدى, ول كەيىننەن مەملەكەتتىك كورپوراتسيا ارقىلى بجزق-عا اۋدارىلادى.
حابارلاما اگەنتكە قولحاتپەن جەكە تابىستالادى نەمەسە جىبەرىلگەن جانە الىنعانىن راستايتىن تاسىلدەردىڭ بىرىمەن جولدانادى.
سونداي-اق, ەگەر جۇمىس بەرۋشىنىڭ مىندەتتى زەينەتاقى جارنالارى بويىنشا 6 اەك-تەن اساتىن بەرەشەك وتەلمەسە, مەملەكەتتىك كىرىستەر ورگانى اگەنتتىڭ بانك شوتتارى مەن كاسساسى بويىنشا شىعىس وپەراتسيالارىن حابارلاما تابىس ەتىلگەن كۇننەن كەيىن ون جۇمىس كۇنى وتكەن سوڭ توقتاتادى.
قاۋلى 2026 جىلعى 1 قاڭتاردان باستاپ كۇشىنە ەنەدى.
