فوتو: sozmedia.kz
وقۋ-اعارتۋ مينسترلىگىنىڭ ءباسپاسوز قىزمەتىنىڭ مالىمدەۋىنشە, بالالار ومبۋدسمەندەرى – بالا مەن مەملەكەت اراسىنداعى سەنىمدى دانەكەر. جاستار ءوز زامانداستارىنىڭ قۇقىعىن قورعاۋعا باعىتتالعان وزەكتى ماسەلەلەردى كوتەرىپ, ولاردىڭ شەشىلۋىنە ىقپال ەتەدى, الەۋمەتتىك باستامالاردى قولدايدى, بالالاردىڭ قوعامدىق ومىرگە بەلسەندى ارالاسۋىن ناسيحاتتايدى. سونىمەن قاتار, جاس ومبۋدسمەندەر بالا مۇددەسىن ەسكەرەتىن مەملەكەتتىك ساياساتتى قالىپتاستىرۋ بويىنشا ۇسىنىستار ازىرلەيدى.
باستى نازار – بالالاردىڭ ءوزىن-ءوزى باسقارۋ داعدىلارىن دامىتۋعا, قۇقىقتىق سانا مەن ازاماتتىق جاۋاپكەرشىلىكتى قالىپتاستىرۋعا, سونداي-اق بالا قۇقىقتارىن قورعاۋ سالاسىنداعى حالىقارالىق ارىپتەستىكتى نىعايتۋعا باعىتتالعان.
ء«بىز ءۇشىن ءار بالانىڭ ءوز تاعدىرىنا قاتىستى شەشىمدەرگە ءۇن قوسىپ, ىقپال ەتە الۋى اسا ماڭىزدى. بالالار ومبۋدسمەندەرى – بالانىڭ ءۇنى ەستىلىپ قانا قويماي, ەسكەرىلەتىن جۇيەنىڭ اجىراماس بولشەگى. ءبىز ولاردى بالالاردىڭ قۇقىقتارىن قورعاۋداعى سەنىمدى سەرىكتەستەرىمىز دەپ بىلەمىز. ويتكەنى ولاردىڭ كومەگىمەن ءبىز بالالاردىڭ كوزقاراسىن تەرەڭىرەك ءتۇسىنىپ, شىنايى ءارى ناقتى شەشىمدەر قابىلداي الامىز», دەپ اتاپ ءوتتى سالا مينيسترلىگىنە قاراستى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
