ناۋقاستارعا بەرىلەتىن تەگىن ءدارى-دارمەكتەر زاڭسىز ساتىلعان

ۆيتسە-مينيستر كونترافاكتىلىك ونىمدەردىڭ اينالىمىنا جول بەرمەۋ ءۇشىن 2024 جىلدىڭ شىلدەسىنەن باستاپ دارىلىك زاتتاردى تاڭبالاۋ, قاداعالاۋ جۇيەسى ەنگىزىلگەنىن ايتا كەلە:

«تاڭبالاۋ جۇرگىزۋ بارىسىندا بولشەك ءدارىحانالاردا تەگىن دارىلىك پرەپاراتتاردى ساتۋ فاكتىلەرى انىقتالدى. انىقتالعان دەرەكتەر بويىنشا مەديتسينالىق جانە فارماتسەۆتيكالىق باقىلاۋ كوميتەتى باس پروكۋراتۋرامەن بىرلەسىپ جوسپاردان تىس تەكسەرۋلەردى باستادى. بۇل تالاپتاردى بۇزعان سۋبەكتىلەرگە قاتىستى قاتاڭ شارالار قابىلدانادى», دەدى.

مينيسترلىك بۇگىندە دارىلىك زاتتار نارىعىنىڭ بارلىق قاتىسۋشىسى تاڭبالاۋ جۇيەسىنە قوسىلعانىن جانە بۇل باقىلاۋ, رەتتەۋ تيىمدىلىگىن كوتەرۋگە مۇمكىندىك بەرىپ وتىرعانىن ايتادى. سونداي-اق قولعا الىنعان شارالار سالىق تۇسىمدەرىنىڭ وسۋىنە وڭ اسەر ەتكەن. 2025 جىلى فارماتسەۆتيكالىق سەكتوردان تۇسكەن سالىقتار 24%-عا ءوسىپ, بيۋدجەتكە قوسىمشا 24 ملرد تەڭگە تۇسكەن.

دەنساۋلىق ساقتاۋ مينيسترلىگى الداعى ۋاقىتتا بيولوگيالىق بەلسەندى قوسپالاردى دا تاڭبالاۋ جۇيەسىن ەنگىزىپ, جەلتوقسان ايىندا مەديتسينالىق بۇيىمدارعا ارنالعان قاناتقاقتى جوبانى باستاۋدى جوسپارلاپ وتىر.

بۇعان دەيىن تيمۋر مۇراتوۆ امبۋلاتوريالىق ءدارى-دارمەكپەن قامتاماسىز ەتۋگە ارنالعان بيۋدجەت قارجىلاندىرۋىنىڭ 2020 جىلدان 2025 جىلعا دەيىن 48%-عا ءوسىپ, 115 ملرد تەڭگەدەن 262 ملرد تەڭگەگە دەيىن ارتقانىن مالىمدەگەن بولاتىن.