ءاليحان سمايىلوۆ مەملەكەتتىك اۋديتورلار جالپى قۇنى 32 تريلليون تەڭگە بولاتىن 18 ءىرى تەكسەرۋ جۇرگىزگەنىن ايتتى. بۇل 2024 جىلدىڭ سايكەس كەزەڭىمەن سالىستىرعاندا 22,8 تريلليون تەڭگەگە كوپ.
پرەزيدەنتكە مەملەكەت پايداسىنا 112 ميلليارد تەڭگە وندىرىلگەنى تۋرالى مالىمەت بەرىلدى. انىقتالعان كەمشىلىكتەردى جويۋ ءۇشىن ۇكىمەتكە جانە اۋديت نىساندارىنا 96 ۇسىنىم مەن 800-گە جۋىق ورىندالۋعا مىندەتتى نۇسقاما جىبەرىلدى. اۋديت قورىتىندىسى بويىنشا 42 ماتەريال قۇقىق قورعاۋ ورگاندارىنا جولداندى.
ءاليحان سمايىلوۆ جوعارى اۋديتورلىق پالاتانىڭ قىزمەتىن تسيفرلاندىرۋ شەڭبەرىندە اۋديتورلىق جۇمىستىڭ بارلىق كەزەڭىن اۆتوماتتاندىراتىن اقپاراتتىق جۇيە ەنگىزىلگەنىن جەتكىزدى.
ۆەدومستۆو كەلەسى جىلى 40-قا جۋىق اۋديتورلىق تەكسەرىس جۇرگىزۋدى جوسپارلاپ وتىر. اتاپ ايتقاندا, تەكسەرۋ جۇمىستارى وتاندىق فارماتسەۆتيكالىق ءونىم وندىرۋشىلەردى قولداۋ, ينۆەستيتسيا تارتۋ, اۆتوموبيل جولدارىن دامىتۋ, مەملەكەتتىك اقپارات ساياساتى باعىتتارىن, «قازاقتەلەكوم» اق, «قازپوشتا» اق جانە ىشكى ىستەر مينيسترلىگىنىڭ قىلمىستىق اتقارۋ جۇيەسى كوميتەتىن, سونداي-اق باسقا مەكەمەلەردى قامتيدى.
كەزدەسۋ سوڭىندا قاسىم-جومارت توقاەۆ مەملەكەتتىك ءاۋديتتى جەتىلدىرۋ بويىنشا بىرقاتار ناقتى تاپسىرما بەردى.
