فۋتبول. قازاقستان يسپانيادان ويسىراي جەڭىلدى

استانا. 24 ماۋسىم. استانادا فۋتبولدان قازاقستان پرەزيدەنتىنىڭ كۋبوگى ءۇشىن ءوتىپ جاتقان 17 جاسقا دەيىنگى جاسوسپىرىمدەر اراسىنداعى تۋرنيردە قازاقستان قۇراماسى يسپانيادان 0:5 ەسەبىمەن ويسىراي جەڭىلدى. بۇل تۋرالى egemen.kz حابارلادى. ويىن بارىسىندا يسپانداردىڭ باسىمدىعى انىق بايقالدى. ماتچتىڭ 20-مينۋتىندا ەمبولا ءبىزدىڭ قاقپادان ساڭىلاۋ تاۋىپ, ەسەپ اشتى. ارادا 13 مينۋت ۋاقىت وتكەندە ول ەكىنشى مارتە مەرگەندىگىمەن كوزگە ءتۇستى. ۇزىلىسكە دەيىن تابلوداعى ناتيجە وزگەرگەن جوق. ەكىنشى تايمدا قوناقتار تاعى دا جاۋاپسىز ءۇش گول سوقتى. كەزدەسۋدىڭ 57-مينۋتىندا مارتين ەسەپتى ەسەلەدى. سونداي-اق, بۋسكەتس (68) پەن اگيەرو (78) دا ەنشىلەرىنە ءبىر دوپتان جازدى. ال قازاقستان قۇراماسىنان ءمادي جاقىپباەۆ پەن باتىر قۇدايبەردىنوۆتىڭ گول سوعاتىن مۇمكىندىكتەرى بولعان ەدى. الايدا, ولارعا ساتتىلىك جەتىسپەدى. جاستارىمىز ءۇشىنشى ويىندارىن ەرتەڭ تاجىكستانعا قارسى وتكىزەدى. ازىرگە ءبىزدىڭ قۇراما 3 ۇپايمەن ءوز توبىندا ەكىنشى ورىندا كەلەدى. ەلامان قوڭىر. دەرەك: egemen.kz. سۋرەت: presidentcup.kz.