سۋرەت: baq.kz
مەملەكەت باسشىسىنىڭ تاپسىرماسىنا سايكەس جۇمىستار جۇرگىزىلىپ جاتىر. نەگىزگى مىندەتتەر – حالىقتى ساپالى اۋىزسۋمەن 100% قامتاماسىز ەتۋ, اۋىلداعى دەنساۋلىق ساقتاۋ جۇيەسىن جاڭعىرتۋ. ارناۋلى مەملەكەتتىك قوردان بارلىعى 27 جوبانى جۇزەگە اسىرۋعا 17,7 ملرد تەڭگە بولىنگەن.
جۇزەگە اسىرىلىپ جاتقان جوبالاردىڭ ىشىندە 11 سۋمەن قامتۋ جوباسى بار, ولاردىڭ ىسكە قوسىلۋى اۋىلدىق ەلدى مەكەندەردى ساپالى اۋىزسۋمەن قامتۋدى كەڭەيتىپ, حالىقتىڭ ءومىر ءسۇرۋ جاعدايىن جاقسارتۋعا مۇمكىندىك بەرەدى.
سونداي-اق 16 جوبا اۋىلدىق جەرلەردە العاشقى مەديتسينالىق-سانيتارلىق كومەكتى دامىتۋعا باعىتتالعان. ولاردىڭ قاتارىندا سىرىم, اقجايىق, ءبورلى, جاڭاقالا جانە بايتەرەك اۋداندارىندا فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار مەن مەديتسينالىق پۋنكتتەر قۇرىلىسى بار. جاڭا دەنساۋلىق ساقتاۋ نىساندارىنىڭ اشىلۋى اۋىل تۇرعىندارىن بىلىكتى مەديتسينالىق كومەكپەن قامتاماسىز ەتىپ, اۋداندىق اۋرۋحانالارداعى جۇكتەمەنى ازايتادى.
بۇگىندە باتىس قازاقستان وبلىسىندا 15 جوبا تولىق اياقتالعان. جىل سوڭىنا دەيىن تاعى 10 نىسان پايدالانۋعا بەرىلەدى, ال قالعان ەكەۋىن 2026 جىلى اياقتاۋ جوسپارلانىپ وتىر.
