ەكولوگيا جانە تابيعي رەسۋرستار مينيسترلىگىنىڭ مالىمەتىنشە, استانا قالاسىندا تاۋلىگىنە 1 500 توننا تۇرمىستىق قالدىقتى (جىلىنا شامامەن 550 مىڭ توننا) وڭدەۋ قۋاتتىلىعىنا يە زاۋىت سالۋ جوسپارلانىپ وتىر. جوبانىڭ جالپى ينۆەستيتسيا كولەمى — 94,4 ملرد تەڭگە (≈180 ملن اقش دوللارى).
شىمكەنت قالاسىندا تاۋلىگىنە 1 000 توننا (جىلىنا شامامەن 360 مىڭ توننا) قالدىق وڭدەيتىن كاسىپورىن سالىنادى. ينۆەستيتسيا كولەمى — 53,9 ملرد تەڭگە (≈100 ملن اقش دوللارى).
جوبالاردى ىسكە اسىرۋ بارىسىندا 550-دەن استام ۋاقىتشا جۇمىس ورنى, سونداي-اق شامامەن 200 تۇراقتى جۇمىس ورنى اشىلادى.
اتالعان نىسانداردىڭ ىسكە قوسىلۋى پوليگوندارعا شىعارىلاتىن قالدىقتاردىڭ كولەمىن ايتارلىقتاي ازايتۋعا جانە ەكولوگيالىق تازا ەلەكتر ەنەرگياسىن وندىرۋگە مۇمكىندىك بەرەدى.
ايتا كەتۋ كەرەك, بۇعان دەيىن الماتى قالاسى بويىنشا قىتايلىق ينۆەستوردىڭ قاتىسۋىمەن ۇقساس ينۆەستيتسيالىق كەلىسىم جاسالعان بولاتىن.
