فوتو: اۋىل شارۋاشىلىعى مينيسترلىگى
بيىل 21 قازاندا استانادا قاسىم-جومارت توقاەۆ پەن يلحام اليەۆتىڭ كەزدەسۋى ءوتىپ, وندا ەرەۆان باعىتىنا جۇك ترانزيتىنە قويىلعان بارلىق شەكتەۋلەردىڭ الىنعانى ايتىلدى.
ازەربايجان مەن ارمەنيا اراسىنداعى بەيبىت كەلىسىمدەردى قولداۋ ماقساتىندا قازاقستان جاڭا تەمىرجول باعىتىمەن ازىق-ت ۇلىكتىك بيدايدىڭ پيلوتتىق پارتياسىن جونەلتتى.
بۇگىن 15 ۆاگوننان تۇراتىن پويىز ازەربايجان شەكاراسىنان ءوتتى. بىرنەشە كۇننەن كەيىن وتاندىق بيداي ارمەنياداعى دالاريك ستانتسياسىنا جەتەدى.
باكۋگە جۇمىس ساپارى بارىسىندا «ازىق-ت ۇلىك كەلىسىمشارت كورپوراتسياسى» اق باسشىلىعى قازاقستاننىڭ ازەربايجانداعى ەلشىلىگى وكىلدەرىمەن كەزدەستى. تاراپتار ترانزيتتىك جۇكتىڭ ءساتتى ءوتۋىن جانە ونى ارمياندىق سەرىكتەستەرىنە جەتكىزۋدى بىرلەسىپ باقىلاپ وتىر.
«ازىق-ت ۇلىك كەلىسىمشارت كورپوراتسياسى» ۇلتتىق كومپانياسى» اق باسقارما توراعاسى اسىلحان دجۋۆاشەۆتىڭ ايتۋىنشا, جاڭا ترانزيتتىك باعىتتىڭ اشىلۋى وتاندىق استىق ەكسپورتىنىڭ اۋماعىن كەڭەيتۋمەن قاتار, كاۆكاز ءوڭىرى ەلدەرى اراسىنداعى لوگيستيكالىق بايلانىستاردى دامىتۋعا جانە ساۋدا-ەكونوميكالىق ىنتىماقتاستىقتى نىعايتۋعا زور ىقپال ەتەدى.
