قيىن كەزەڭدەردە ءبىز نەگە جۇتىلىپ كەتپەدىك؟ ءداستۇر بولدى. بىرلىك, ادىلدىك ت.ب. قاسيەتتەر سونىڭ ىشىندە. كەشە عانا مەملەكەت باسشىسى قول قويعان «قازاقستان رەسپۋبليكاسى ىشكى ساياساتىنىڭ نەگىزگى قاعيداتتارى, قۇندىلىقتارى مەن باعىتتارى» اتتى ەلدىك قۇجاتتى قوعام مەن اتقارۋشى بيلىك ءۇشىن اسا دىلگىر دەپ سانايمىز.
قازىرگى مەملەكەتتىك قۇرىلىمنىڭ ىشكى ساياسات نەمەسە يدەولوگيا جۇيەسى سىرتقى ساياساتتاي ناقتىلىقتى, پاراساتتىلىقتى, ساباقتاستىقتى قاجەت ەتەدى. ەلىمىز جاڭارىپ, جاقسىلىققا بەت تۇزەپ جاتقان شاقتا, سونداي-اق الەمدىك, وڭىرلىك سىن-قاتەرلەر ءورشىپ كۇردەلەنگەن تۇستا مەملەكەتتىلىك ۇستانىم مەن مەملەكەتشىلدىك باعداردى ايقىنداپ الۋ – ماڭىزدى قادام.
قۇجاتتا قازىر مەملەكەت جۇرگىزىپ جاتقان ىشكى ساياسات قاعيداتتارىن «زاڭ مەن ءتارتىپ» – قۇقىقتىق مەملەكەتتىڭ نەگىزى, «حالىق ۇنىنە قۇلاق اساتىن مەملەكەت» – ءوزارا ءىس-قيمىل قۇرالى, ء«ارتۇرلى كوزقاراس – ءبىرتۇتاس ۇلت» – ءوزارا تۇسىنىستىك ورناتۋ جولى, «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» – باسقارۋ ۇلگىسى, «ادال ازامات» – ويلاۋ پايىمى, «تازا قازاقستان» – مىنەز-ق ۇلىق پەن ءجۇرىس-تۇرىس ەتيكاسى» دەپ جۇيەلى ءتۇسىندىرىپتى. ەشقانداي پافوس جوق.
جالپىۇلتتىق قۇندىلىقتار دا بۇگىندە ءومىر سالتىمىزدىڭ قۇرامداس بولىگىنە اينالىپ كەلەدى. تاۋەلسىزدىك پەن وتانشىلدىق, بىرلىك پەن ىنتىماق, ادىلدىك پەن جاۋاپكەرشىلىك, زاڭ مەن ءتارتىپ, ەڭبەكقورلىق پەن كاسىبي بىلىكتىلىك, جاسامپازدىق پەن جاڭاشىلدىق – ساپالى ۇلتتىڭ ولشەمى.
ەلدىك نىشانداردىڭ ناقتىلانا تۇسكەنى – ۇلكەن جۇمىستىڭ ءىزاشارى. باردى بايىپتاتا ءبىلۋدىڭ ءجونى. جاڭاشىل ۇراننان جاۋقازىن ۇلانعا دەيىنگىنى سەرپىلتەتىن بىرەگەيلىك.
ىشكى ساياساتتىڭ جەتى باسىم باعىتى – قوعامدىق ديالوگ, ەتنوسارالىق ساياسات, ءدىن سالاسىنداعى ساياسات, مادەني-گۋمانيتارلىق ساياسات, وتباسى ساياساتى, جاستار ساياساتى, اقپارات ساياساتى – ەلدىك ۇيىسۋدىڭ ايناسى ياكي بارومەترى بولاتىنى دا انىق.
پرەزيدەنت ق.ك.توقاەۆ بۋرابايدا وتكەن ۇلتتىق قۇرىلتايدا: ء«بىزدىڭ يدەولوگيامىز قاراپايىم ءارى تۇسىنىكتى. بۇل – جاھانداعى اسا كۇردەلى گەوساياسي احۋالدا ەلىمىزدى جاڭا دامۋ دەڭگەيىنە كوتەرۋ ءۇشىن بەرىك نەگىز قالاۋ» دەگەن ەدى.
راس, ەلدىكتى بەكەمدەيتىن باعىت, قاعيداتتار مەن قۇندىلىقتار قوعامنىڭ قايناۋىنان شىعىپ, قالاۋىمەن ۇيلەسسە – مەملەكەتتىڭ مەرەيى. بۇگىنگى, ەرتەڭگى بۋىن وسى بايىپتى باعداردان اينىماسا يگى.
ديحان قامزابەك ۇلى,
ۇلتتىق قۇرىلتاي مۇشەسى,
«قازاق گازەتتەرى» سەرىكتەستىگىنىڭ باس ديرەكتورى
