فوتو: theguardian.com
«2025 جىلعى 06 قاراشا ساعات 06:00-دەن باستاپ اقمولا وبلىسىندا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار «KAZ02 استانا – كوكشەتاۋ (اينالما جول) – پەتروپاۆل – رف شەكاراسى (جاڭا جول وتكىزۋ پۋنكتى)» اۆتوجولىنىڭ 19–231 شاقىرىم ارالىعىندا كولىكتىڭ بارلىق تۇرلەرى ءۇشىن جىلدامدىق شەكتەۋى 110 كم/ساع-تان 80 كم/ساع-قا دەيىن تومەندەتىلەدى», دەلىنگەن حابارلامادا.
جىلدامدىقتى قالپىنا كەلتىرۋ 6 قاراشا كۇنى ساعات 15:00-دە, اۋا رايى تۇراقتالىپ, جول قوزعالىسى قاۋىپسىز بولعان جاعدايدا جوسپارلانىپ وتىر.
سونىمەن قاتار قازاقستاندىق جۇرگىزۋشىلەرگە بىرنەشە وبلىستاعى قولايسىز اۋا رايى تۋرالى ەسكەرتىلدى.
«6 قاراشادا اقمولا, شىعىس قازاقستان, سولتۇستىك قازاقستان, قاراعاندى, قوستاناي جانە پاۆلودار وبلىستارىندا, سونداي-اق اباي جانە جەتىسۋ وڭىرلەرىنىڭ كەي جەرلەردە جاڭبىر ارالاس قار جانە قار جاۋى كۇتىلەدى», دەلىنگەن حابارلامادا.
وسىعان بايلانىستى جۇرگىزۋشىلەرگە جىلدامدىق رەجيمىن جانە جولداعى قاۋىپسىزدىك ەرەجەلەرىن ساقتاپ, اۋا رايىنىڭ ناشارلاۋىن ەسكەرىپ ءجۇرۋ ۇسىنىلادى.
