سينوپتيكتەردىڭ مالىمەتىنشە, 3 قاراشا كۇنى رەسپۋبليكانىڭ كوپ وڭىرىندە جاڭبىر مەن قار جاۋادى, ال ەلدىڭ سولتۇستىگىندە كۇشتى جاۋىن-شاشىن (نەگىزىنەن قار) كۇتىلەدى.
تەك باتىس پەن وڭتۇستىك-شىعىس وڭىرلەردە اۋا رايى جاۋىن-شاشىنسىز وتەدى.
ەلىمىزدىڭ بىرقاتار وڭىرىندە تۇمان ءتۇسىپ, جەل كۇشەيەدى.
سونداي-اق سولتۇستىك-باتىس, سولتۇستىك, شىعىس جانە ورتالىق وڭىرلەردە كوكتايعاقبايقالادى.
ماماندار جولدا اباي بولۋعا جانە كولىك جۇرگىزۋ كەزىندە ساقتىق شارالارىن قاتاڭ ساقتاۋعا كەڭەس بەرەدى.
جامبىل, الماتى جانە قىزىلوردا وبلىستارىنىڭ كەيبىر ايماقتارىندا ءورت قاۋپى جوعارى.
«3 قاراشا كۇنى جامبىل وبلىسىنىڭ شىعىسىندا, الماتى وبلىسىنىڭ باتىسىندا جانە قىزىلوردا وبلىسىنىڭ سولتۇستىگى مەن ورتالىعىندا جوعارى ءورت قاۋپى ساقتالادى. ال قىزىلوردا مەن تۇركىستان وبلىستارىنىڭ وڭتۇستىگى مەن باتىسىندا, سونداي-اق جامبىل مەن الماتىنىڭ سولتۇستىگىندە ەرەكشە ءورت قاۋپى كۇتىلەدى», – دەلىنگەن سينوپتيكتەر حابارلاماسىندا.
«قازگيدرومەت» ماماندارى تۇرعىندارعا اۋا رايى كۇرت وزگەرىسىنە دايىن بولۋدى, جىلى كيىنىپ, ۇزاق ساپارلاردى كەيىنگە قالدىرۋدى ۇسىنادى.
