جوبا ديماش قۇدايبەرگەننىڭ باستاماسىمەن جانە Hunan Broadcasting System تەلەارناسىمەن بىرلەسە قولعا الىندى. بيىلعى قىركۇيەك ايىندا ءتۇسىرىلىم توبى مەن قاتىسۋشىلار قازاقستاننىڭ وڭىرلەرى بويىنشا ساياحاتتاپ, 7436 شاقىرىمنان استام جول ءجۇردى. ولار 22 كۇن ىشىندە ولار ەلىمىزدىڭ باي تابيعي جانە مادەني مۇراسىمەن تانىستى.
تۇسىرىلىمگە قازاقستان, قىتاي, قىرعىزستان, يتاليا, مالايزيا جانە سەربيا ەلدەرىنىڭ ونەرپازدارى قاتىستى. جوبانىڭ باعىتى نەگىزگى تۋريستىك ورىنداردى قامتىدى. ونىڭ ىشىندە ۇلى جىبەك جولىنىڭ بويىنداعى كونە تۇركىستان, ماڭعىستاۋ وبلىسىنداعى بوزجىرا مەن كاسپي تەڭىزىنىڭ جاعالاۋىنىڭ بىرەگەي كورىنىستەرى, الماتى ءوڭىرىنىڭ تابيعي ءىنجۋ-مارجاندارى – قايىڭدى كولى, ساتى تۋريستىك اۋىلى, قاپشاعاي سۋ قويماسى, اقمولا وبلىسىنىڭ كوبەيتۇز كولى مەن ششۋچينسك-بۋراباي كۋرورتتىق ايماعى ىسپەتتى تابيعي لاندشافتتارى بار.
Voice Beyond Horizon جوباسى 2026 جىلى Hunan TV تەلەارناسى ارقىلى كوپشىلىككە جول تارتادى.
جوباعا قر تۋريزم جانە سپورت مينيسترلىگى, Kazakh Tourism ۇلتتىق كومپانياسى, «جولاۋشىلار تاسىمالى» اق جانە وڭىرلەردىڭ اكىمدىكتەرى ۇيىمداستىرۋشىلىق قولداۋ كورسەتتى.
