بۇل وقيعا قازاقستان مەن رەسەي اراسىنداعى ءبىلىم بەرۋ سالاسىنداعى ىنتىماقتاستىقتى نىعايتۋ جولىنداعى ماڭىزدى قادام بولدى.
ممحقي رەكتورى اناتولي توركۋنوۆتىڭ ايتۋىنشا, فيليالدىڭ اشىلۋى – قازاقستاننىڭ زاماناۋي, باسەكەگە قابىلەتتى جوعارى ءبىلىم بەرۋ جۇيەسىن قالىپتاستىرۋ جانە حالىقارالىق بايلانىستاردى كەڭەيتۋ باعىتىندا سەنىمدى ىلگەرىلەۋىنىڭ ايعاعى.
ول قازاقستاننىڭ جاھاندىق ءبىلىم بەرۋ ستاندارتتارىنا اشىق ءارى باعىتتالعان ەل ەكەنىن اتاپ ءوتتى. بۇگىندە ەلىمىزدە رەسەيلىك جوعارى وقۋ ورىندارىنىڭ 9 فيليالى تابىستى جۇمىس ىستەپ تۇر, وندا شامامەن 4 مىڭ ستۋدەنت وقيدى, ونىڭ ىشىندە 1 مىڭنان استامى مەملەكەتتىك گرانت يەگەرلەرى.
سونىمەن قاتار, قازاقستان ءوز ۋنيۆەرسيتەتىنىڭ كامپۋسىن رەسەيدە اشقان العاشقى مەملەكەت اتاندى – ءال-فارابي اتىنداعى قازاق ۇلتتىق ۋنيۆەرسيتەتىنىڭ ومبى قالاسىنداعى فيليالىنىڭ اشىلۋىنا قازاقستان پرەزيدەنتى قاسىم-جومارت توقاەۆتىڭ ءوزى قاتىستى. بۇدان بولەك, 60 مىڭ قازاقستاندىق ستۋدەنت رەسەيدىڭ جوعارى وقۋ ورىندارىندا ءبىلىم الىپ ءجۇر. بۇل ەلدەر اراسىنداعى ءبىلىم بەرۋ سالاسىنداعى سەنىم دەڭگەيىنىڭ جوعارى ەكەنىن كورسەتەدى.
اناتولي توركۋنوۆ فيليالدىڭ اشىلۋى ەكى مەملەكەتتىڭ ادامي كاپيتالدى دامىتۋ مەن الەمدىك ءبىلىم بەرۋ كەڭىستىگىنە ينتەگراتسيالانۋعا ۇمتىلىسىن كورسەتەتىن ستراتەگيالىق قادام ەكەنىن ايتتى.
وقۋ باعدارلامالارى ديپلوماتيا, ەكونوميكا جانە جوعارى تەحنولوگيالار, سونىڭ ىشىندە جاساندى ينتەللەكت سالالارىنىڭ توعىسىندا جۇمىس ىستەي الاتىن جاڭا فورماتتاعى مامانداردى دايارلاۋعا باعىتتالعان.
ممحقي-دىڭ استاناداعى فيليالى حالىقارالىق دەڭگەيدەگى جاڭا بۋىن كوشباسشىلارىن, ديپلوماتتار مەن ساراپشىلاردى دايارلاۋعا ماڭىزدى ۇلەس قوسادى, – دەپ تۇيىندەدى رەكتور.
