الماتى-كوكپەك-كوكتال تاس جولىنىڭ 25-ءشى شاقىرىمىندا Audi كولىگىنىڭ جۇرگىزۋشىسى جولدان ءوتىپ بارا جاتقان ەكى ادامدى جوعارى جىلدامدىقپەن قاعىپ, وقيعا ورنىنان قاشىپ كەتكەن.
جول اپاتى ۆيدەوعا ءتۇسىپ قالعان. الەۋمەتتىك جەلىدە تەز تاراپ كەتكەن كادردا كولىكتىڭ جوعارى جىلدامدىقپەن جاياۋ جۇرگىنشىلەردى قاققانىن كورۋگە بولادى.
الماتى وبلىستىق پوليتسيا دەپارتامەنتىنىڭ ءباسپاسوز قىزمەتى وقيعاعا قاتىستى تۇسىنىكتەمە بەردى. پوليتسيانىڭ مالىمەتىنشە زارداپ شەككەندەردىڭ ءبىرى وقيعا ورنىندا كوز جۇمعان, ال ەكىنشىسى اۋىر جاراقاتپەن اۋرۋحاناعا جاتقىزىلدى.
جۇرگىزۋشىنىڭ كىم ەكەنى انىقتالدى, ول ۇستالىپ, ۋاقىتشا ۇستاۋ يزولياتورىنا قامالدى.
«قازىرگى ۋاقىتتا وقيعانىڭ بارلىق ءمان-جايىن جان-جاقتى جانە وبەكتيۆتى تۇردە انىقتاۋعا باعىتتالعان تەرگەۋ ءىس-شارالارى جۇرگىزىلىپ جاتىر», - دەپ ءتۇسىندىردى وبلىستىق پوليتسيا دەپارتامەنتى.
تەرگەۋ بارىسى دەپارتامەنت باسشىلىعىنىڭ قاتاڭ باقىلاۋىندا بولادى.
