جىلۋ جۇيەسى قالا مەنشىگىنە قايتارىلادى

سەرىكتەستىك واوەك قۇرا­مىنداعى «سولتقازەنەرگو» اق-عا قارايدى. «سولتقازەنەرگو» كاسىپ­ورنى – «ورتالىق ازيا ەلەكتر-ەنەرگەتيكالىق كورپورا­تسياسىنىڭ» (واەك) ەنشىلەس كاسىپورىنى. وسى واەك كورپوراتسياسى دا واوەك-گە قارايدى. ءبارىنىڭ ۇستىندە تۇرعان واوەك-ءتىڭ 50%, سونداي-اق واەە-ءنىڭ 47,1% اكتسياسى ءىرى كاسىپكەر الەكساندر كلەبانوۆقا تيەسىلى.

ءسويتىپ, كومپانيا ءبىر كەزدە اۋكتسيون ارقىلى العان كاسىپ­ورىندى قايتادان قالا بيلىگىنە ساتپاقشى. كاسىپ­ورىننىڭ پروبلەمالارى وتە كوپ, بىلتىرعى ساراپتاما بويىن­شا, قالا مەن قالا توڭىرەگىنە جىلۋ تارا­تا­تىن قۇبىرلاردىڭ 70%-ى ەسكىر­گەن. جالپى, حالىققا قىزمەت كورسەتەتىن مۇنداي سترا­تەگيالىق كاسىپورىندار جە­كەنىڭ قولىنا بەرىلمەگەنى ءجون. ازىرگە كورپوراتسيا مەن اكىمدىك اراسىنداعى مامىلەنىڭ شارتتارى بەلگىسىز. ونىڭ قانشاعا ساتىلاتىنى دا اي­تىلمايدى. اكىمدىكتىڭ ءباس­پا­سوز قىزمەتى بەرگەن اقپا­راتتا «قالالىق اكىمدىك پەن «سولت­قاز­ەنەرگو» اق اراسىندا «پەت­روپاۆل جىلۋ جەلىلەرى» جشس قا­لا­نىڭ مۋنيتسيپالدىق مەنشىگىنە بەرۋ تۋرالى كەلىسسوز جۇر­گىزىلىپ جاتىر. مامىلەنىڭ نەگىزگى ماقساتى – قالانىڭ جىلۋمەن قامتۋ جۇيەسىن كەشەندى جاڭعىرتۋ, ەنەرگيا تيىمدىلىگى مەن سەنىمدىلىگىن ءتيىمدى باسقارۋدى ارتتىرۋ», دەپ جازىلعان. جىلۋ جۇيەسىنىڭ مەملەكەت مەنشىگىنە قايتارىلۋى ءتاريفتىڭ تۇراقتانۋىنا ىقپال ەتۋگە ءتيىس. ويتكەنى ۇكىمەت ءتاريفتى شەكتەن تىس كوتەرمەۋدى باقىلاي الادى. مونوپولياعا قارسى كۇرەس اگەنتتىگىنىڭ جۇمىسى دا ءبىرشاما جەڭىلدەيدى.

وبلىس پەن قالاعا, ءتىپتى كور­شىلەس  رەسەيگە ەنەرگيا ەكسپورتتايتىن جەو-2 كاسىپورنى دا واەك-ءتىڭ ەنشىلەس كاسىپورنى «سول­تقازەنەرگيا» اق قارايدى. قالا­لىقتاردى اسىرەسە وسى كاسىپ­ورىننىڭ جۇمىسى الاڭداتادى. 2022 جىلى ونىڭ ءبىر تۇرباسى قۇلاعاننان بەرى حالىق بارلىق جىلۋ مەن ەنەرگيانىڭ قاينار كوزى بولىپ تۇرعان ونىڭ امان بولۋىن تىلەپ جۇرەدى. سول تۇرعىدا جەكەمەنشىككە قا­راعانشا, جاق­سىلىقتى ۇكىمەتتەن كۇتۋ حالىق مۇددەسىنە ساي ەكەنى ءسوزسىز.

پەتروپاۆل