ابىروي بيىگىنەن تۇسپەيمىز

مەملەكەت باسشىسى ن.ءا.نا­زارباەۆتىڭ دۇنيەجۇزىلىك ساۋ­دا ۇيىمىنا كىرۋ جونىندەگى كەلىسسوزدەردىڭ اياقتالۋىنا بايلانىستى قازاقستان حالقىنا ارناعان ۇندەۋىن كولىك جۇرگىزىپ كەلە جاتقاندا تىڭدادىم. كەشكى ساۋىنعا دايىندالىپ جات­قان ­تاۋارلى-ءسۇت فەرماسىنا اياق تىرە­سىمەن شۇعىل جينالىس اشىپ, ەل مەرەيىن وسىرگەن حابار­دى جەتكىزدىم. وسى جولى ارىپتەس­­­تەرىمنىڭ ءجۇزى­نەن قۋا­نىش پەن تولقىنىس لەبىن سەزىندىم. ريزا بولدىم. ءويت­كەنى, ءبۇ­گىنگىدەي الما­عايىپ زامان­نىڭ­ ويلانتارلىق تۇستارى دا بارشىلىق. اۋىلداستارىمنىڭ ورتاسىندا تۇرىپ مىناداي سوزدەردى ايتتىم: ەلباسى بۇل قادامدى تاريحي وقيعا دەپ باعالادى. ەكونوميكامىزدى جاڭا كوكجيەكتەرگە باستايتىن ۇيىمعا ەلىمىز 19 جىلدىق دايىن­دىقپەن, وڭ مەن سولىن بارىنشا سالماقتاعان قالپىمەن كەلىپ وتىر. ءتيىستى تاجىريبە جيناق­تالدى. ونىڭ ۇستىنە, رەسپۋبليكا ساۋدا-ساتتىعىنىڭ 90 پايىزى دۇنيەجۇزىلىك ساۋدا ۇيىمىنا مۇشە ەلدەرگە تيەسىلى. ەندى ءبىز وزىق مەملەكەتتەر مۇددەسىندەگى ۇيىمعا جاناما قاتىسۋشى ەمەس, ءوزىنىڭ ىقپالدى داۋىسى بار ەل رەتىندە ۇلەس قوساتىن بولامىز. ارينە, الەمدىك ساۋدا ۇيىمى­نىڭ وزىندىك ەرەكشەلىكتەرى مەن العا تارتار سىندارى بارشىلىق. باسەكە ەسەلەنە تۇسەدى. سەبەبى, ەلباسى ۇندەۋىندە ايتىلعانىنداي, شەتەلدەردەن كەلەتىن تاۋارلارعا ءبىز شەكارامىزدى اشامىز, تا­ۋار قازاقستانعا كوپتەپ كەلەتىن بولادى. ساپا شەشۋشى تۇتقا بولماق. بۇل ورايدا, دسۇ بەرەتىن ارتىقشىلىقتاردى پايدالانا بىلەتىنىمىزدى دالەلدەۋ قاجەت بولادى. بۇل قازاقستاننىڭ قولىنان كەلەدى جانە ءبىز الەمنىڭ وزىق ەلدەرى قاتارىنان لايىقتى ورىن الامىز دەپ كامىل سەنەمىن. ويتكەنى, «التىن ساپا» بەلگىسىن ەكى رەت جەڭىپ العان «رودينا» اگروفيرماسى بۇل باعىتتاعى جۇمىستى جەتىلدىرە تۇسەدى. زامانالىق جابدىقتار ورنا­تىلعان تسەحتا ءسۇت ونىمدەرىنىڭ وتىز ءتۇرى شىعارىلادى. بۇلاردىڭ بارلىعى ست رك يسو 9001-2009 ساپا مەنەدجمەنتى جۇيەسىمەن سەر­تي­فيكاتتالعان. ازىقتىق تاۋار­لاردىڭ قاۋىپسىزدىگى جونىندەگى ست رك يسو 22000-2006 جانە ست رك 1733-2007 سەرتيفيكاتتارى تالاپتارىنا ساي ءسۇتتى 120 ساعات, ال ايران, قايماق, سارى ماي, سىر, ىرىمشىك پەن سۇزبەنى 7 ءتاۋ­­لىك بويى الاڭسىز ساقتاي الا­سىز. ساپا مەنەدجمەنتىنىڭ حالىق­ارالىق نەگىزدەرگە ساي كەلۋى شارۋا­شى­لىقتىڭ الەمدىك دەڭگەيدەگى ءونىم شىعارۋىنا مۇمكىندىك اشىپ وتىر. اينالىپ كەلگەندە, جوعارىدا اتالعان سەرتيفيكاتتار جيىنتىعى بارلىق وندىرىستىك جانە باسقارۋ پروتسەسىن حالىقارالىق ISO 9001:2008 ستاندارتتارى تالابىندا جۇرگىزۋگە كەپىلدىك بەرەدى. يۆان ساۋەر, «رودينا» اگروفيرماسىنىڭ ديرەكتورى, قازاقستاننىڭ ەڭبەك ەرى. اقمولا وبلىسى, تسەلينوگراد اۋدانى.