دەنساۋلىق ساقتاۋ باسقارماسىنىڭ باسشىسى تالعات مولدابەكوۆتىڭ مالىمدەۋىنشە, بۇگىندە 62 نىساننىڭ قۇرىلىسى اياقتالىپ, تاپسىرۋ, قابىلداۋ راسىمدەرى جۇرگىزىلىپ جاتىر.
– بىلتىر ۇكىمەت رەزەرۆىنەن 12,6 ملرد تەڭگە, وبلىستىق بيۋدجەتتەن 1,4 ملرد تەڭگە ءبولىنىپ, تولىق يگەرىلدى. بيىل قالعان ءۇش نىسان – ءۇرجار, اقسۋات اۋداندارىنداعى قوجاگەلدى, اققالا اۋىلدارىندا مەديتسينالىق پۋنكتتەر پايدالانۋعا بەرىلەدى. سونىمەن قاتار سەگىز نىساندا قۇرىلىس, قايتا جاڭارتۋ جۇمىستارى جالعاسىپ جاتىر. ولاردىڭ قاتارىندا اياگوز اۋدانىنداعى جان ساقتاۋ بولىمشەسى مەن مرت عيماراتى, سونداي-اق ءۇرجار اۋدانىنداعى ەمدەۋ ورتالىعى بار. بۇگىندە 57 نىسان سانيتارلىق-ەپيدەميولوگيالىق قورىتىندى الىپ, 51 مەكەمە ليتسەنزيالانعان, – دەدى ت.مولدابەكوۆ.
باسقارما باسشىسىنىڭ ايتۋىنشا, جاڭاسەمەي اۋدانىندا 14 جاڭا نىساننىڭ جوبالىق-سمەتالىق قۇجاتتاماسى ازىرلەنىپ, مەملەكەتتىك ساراپتاماعا جولدانعان. جوبالار اۋىل تۇرعىندارىنا كورسەتىلەتىن مەديتسينالىق كومەكتىڭ قولجەتىمدىلىگىن ارتتىرىپ, ساپاسىن جاقسارتۋعا باعىتتالعان. سونداي-اق كەيىنگى ەكى جىلدا وڭىردەگى 25 مەديتسينالىق مەكەمە كۇردەلى جوندەۋدەن ءوتتى. ءبارى دە بۇگىنگى زامان تالاپتارىنا ساي قۇرال-جابدىقتارمەن قامتىلعان. جىل سوڭىنا دەيىن تاعى 16 نىساندا جوندەۋ جۇمىستارىن جۇرگىزۋ كوزدەلىپ وتىر.
اباي وبلىسى
