فوتو: اقوردا
جيىن بارىسىندا مەملەكەت باسشىسىنىڭ باستامالارى اياسىندا ىشكى ساياسات سالاسىندا تۇجىرىمدامالىق قۇجات پەن ناشاقورلىققا جانە ەسىرتكى بيزنەسىنە قارسى كۇرەس جونىندەگى 2026-2028 جىلدارعا ارنالعان كەشەندى جوسپار جوبالارىنىڭ ازىرلەنگەنى, سونداي-اق «قازاقستان بالالارى» بىرىڭعاي باعدارلاماسىنىڭ دايىندالىپ جاتقانى اتاپ ءوتىلدى.
بۇعان قوسا ەرەكشە قاجەتتىلىكتەرى بار بالالارعا كورسەتىلەتىن قولداۋدى رەتتەۋ, تاريحي-مادەني مۇرا نىساندارىن قورعاۋ, كورسەتىلەتىن قىزمەتتەر تۋرالى اقپاراتقا قويىلاتىن تالاپتاردى كۇشەيتۋ (ارنايى ءبىلىمى جوق كوۋچتار مەن پسيحولوگتاردىڭ قىزمەتى), عىلىمي قالاشىقتاردى قۇرۋ جانە ت.ب. جونىندە زاڭنامالىق نورمالار ازىرلەنىپ جاتىر.
سونداي-اق كوكشەتاۋ قالاسىندا كوپ فۋنكتسيونالدى سپورت كەشەنىنىڭ جانە اتىراۋ قالاسىنداعى وڭالتۋ ورتالىعىنىڭ قۇرىلىس جۇمىستارى اياقتالۋعا جاقىن.
ەرلان قارين پرەزيدەنت باستامالارى ءتۇرلى باعىتتاردى قامتيتىنىن ەسكە سالدى.
«مەملەكەت باسشىسىنىڭ ۇلتتىق قۇرىلتايدا جاريالاعان رەفورمالارى الەۋمەتتىك-مادەني جوبالاردان باستاپ, ەكونوميكالىق جانە ينفراقۇرىلىمدىق باستامالارعا دەيىنگى سان الۋان باعىت بويىنشا جۇزەگە اسىرىلىپ جاتىر», دەدى ول.
بۇل رەتتە تاپسىرمالاردىڭ بارلىعىن ۇلتتىق قۇرىلتاي حاتشىلىعى تۇراقتى باقىلاۋدا ۇستاپ وتىر.
كەڭەس سوڭىندا مەملەكەت باسشىسىنىڭ كەيبىر تاپسىرمالارى بويىنشا پرەزيدەنت اكىمشىلىگى جانە ۇكىمەت دەڭگەيىندە جەكەلەگەن ناقتى جيىندار ۇيىمداستىرىلاتىنى ايتىلدى.
