فوتو: اشىق دەرەككوز
دەپۋتاتتىڭ ايتۋىنشا, بۇگىندە ارحەولوگيالىق قازبالار كەزىندە تابىلعان كوپتەگەن جادىگەرلەردىڭ تاعدىرى بەيمالىم. كەيبىرى قويمالاردا رەتتەلمەي ساقتالىپ, ەندى ءبىرى جوعالىپ كەتكەن نەمەسە ەسەپكە الىنباعان. وسى ولقىلىقتىڭ ورنىن تولتىرۋ ءۇشىن ارحەولوگيالىق ماتەريالداردى جۇيەلى تۇردە ساقتايتىن بىرىڭعاي مەملەكەتتىك قور جاساقتالادى.
«ەندى ءبىز ارحەولوگيالىق ماتەريالداردىڭ مەملەكەتتىك قورىن جاسايمىز. مۋزەيلىك قۇندىلىعى بار جەكە جادىگەرلەر زاڭدا بەكىتىلگەندەي مۋزەيگە بەرىلەدى. ال جاپپاي جادىگەرلەر مەن تابىلعان ماتەريالدار – دەپوزيتاريدە, عىلىمي ورتاعا اشىق, قاۋىپسىز جاعدايدا ساقتالادى. بۇل شەشىم – ارحەولوگيالىق مۇرانىڭ ساقتالۋىنا مۇمكىندىك بەرەدى», دەدى اسحات ايماعامبەتوۆ.
سونىمەن قاتار زاڭ جوباسىندا ارحەولوگيالىق قازبا جۇمىستارى اياقتالعان سوڭ نىسانداردى ءوز قالپىنا كەلتىرۋ جانە قورشاعان ورتانى قايتا جوندەۋ تالاپتارى ەنگىزىلمەك.
«كەي ارحەولوگيالىق جۇمىستاردان كەيىن قازبا ورنى جابىلمايدى, رەكۋلتيۆاتسيا تولىعىمەن جاسالمايدى. ءتىپتى ەسكەرتكىشتەردىڭ ءوزى ب ۇلىنەدى. جوبادا ءاربىر ارحەولوگ قازبادان كەيىن جەردى قالپىنا كەلتىرۋ تۋرالى, ياعني كونسەرۆاتسيا-رەكۋلتيۆاتسيا جۇمىستارىن جۇرگىزۋ بويىنشا تالاپتار ناقتىلانادى», دەپ ءتۇسىندىردى دەپۋتات.
