فوتو: اشىق دەرەككوز
اقتوبە وبلىستىق دەنساۋلىق ساقتاۋ باسقارماسىنىڭ مالىمەتىنشە, زارداپ شەككەن التى ادام وبلىس ورتالىعىنداعى مەديتسينالىق مەكەمەلەرگە جەتكىزىلگەن. كامەلەتكە تولماعان ناۋقاستىڭ جاعدايى اسا اۋىر دەپ باعالانعان. ول كوپ جاراقات العان جانە قازىرگى تاڭدا وبلىستىق كوپسالالى بالالار اۋرۋحاناسىنىڭ جانساقتاۋ بولىمىندە جاتىر.
ء«جاسوسپىرىمنىڭ جاعدايىن ەلىمىزدىڭ باس بالالار نەيروحيرۋرگىنىڭ مىندەتىن اتقارۋشى ماماندار باقىلاپ وتىر. قالالىق كوپسالالى اۋرۋحانانىڭ جانساقتاۋ بولىمىندە جاتقان ءتورت ناۋقاستىڭ ۇشەۋى ەسىن جيعان, جاعدايلارى بىرتىندەپ جاقسارىپ كەلەدى. ءبىر پاتسيەنت ءالى كومادا. تاعى ءبىر زارداپ شەككەن ازامات وبلىستىق مەديتسينالىق ورتالىقتا ەم قابىلداپ جاتىر», دەلىنگەن حابارلامادا.
ەستەرىڭىزگە سالا كەتەيىك, قايعىلى جاعداي 23 قازاندا سامارا — شىمكەنت جولىندا بولعان ەدى. جۇك كولىگى مەن جولاۋشىلار تاسىمالداعان «گازەلدىڭ» سوقتىعىسۋى سالدارىنان اپات ورنىندا 12 ادام, ونىڭ ىشىندە ەكى جۇرگىزۋشى دە قازا تاپتى.
وقيعا بويىنشا قىلمىستىق ءىس قوزعالدى. قر ىشكى ىستەر مينيسترلىگىنەن ارنايى تەرگەۋ توبى جىبەرىلدى. سونىمەن قاتار, پرەمەر-مينيستر ولجاس بەكتەنوۆتىڭ تاپسىرماسىمەن اپات سەبەپتەرىن انىقتاۋ ءۇشىن ۇكىمەتتىك كوميسسيا قۇرىلدى.
اكتوبە وبلىسى اكىمدىگىنىڭ مالىمەتىنشە, قازا تاپقانداردىڭ وتباسىلارىنا 1 ميلليون تەڭگەدەن ماتەريالدىق كومەك كورسەتىلەدى.
