شارانىڭ شارىقتاۋ شەگىندە كوكتە ءار قازاقستاندىق ءۇشىن قاستەرلى سانالاتىن «مەنىڭ ەلىم, مەنىڭ ەلىم, گ ۇلىڭ بولىپ ەگىلەمىن. جىرىڭ بولىپ توگىلەمىن, ەلىم! تۋعان جەرىم مەنىڭ – قازاقستانىم!» سوزدەرى پايدا بولدى. وسى اسەرلى ساتتە درون-شوۋعا جينالعان كورەرمەن مەملەكەتتىك ءانۇراندى بىرگە ورىندادى.
دروندار شوۋى بارىسىندا كوكتە حالىقتى جىگەرلەندىرەتىن باسقا دا بەينەلەر پايدا بولدى. مىسالى, قازاقستان كارتاسى, مەملەكەتتىك تۋ, ۇلتتىق اسپابىمىز – دومبىرا مەن نوتالار, «التىن ادام» بەينەسى, بارىس, الما جانە باسقا دا كومپوزيتسيالار, سونداي-اق ادىلەتتى ءارى مىقتى مەملەكەتتىڭ يدەياسىن ايقىندايتىن «زاڭ مەن ءتارتىپ — زاكون ي پوريادوك» قاعيدالارى كورىنىس تاپتى.
شوۋدىڭ سوڭىندا دروندار «25 قازان – رەسپۋبليكا كۇنى» جانە قوناەۆ قالاسىنا دەگەن ماحابباتتى بىلدىرەتىن جازۋلار مەن بەينەلەر پايدا بولدى.
ايتا كەتەيىك, مەرەكە كۇنى قالادا وتكەن كونتسەرتتەردە وبلىس ونەرپازدارى, سونداي-اق حانسۇلتان, ءمولدىر اۋەلبەكوۆا, قۋاندىق راحىم, اسىلبەك ەڭسەپوۆ, Esko, Ray, نۇرسۇلتان نۇربەرديەۆ, Il Canto كۆارتەتى سىندى تانىمال ارتيستەر ونەر كورسەتتى. كەشتىڭ جۇرگىزۋشىلەرى رۋسلان ارمان ۇلى مەن مۇرات مۇتىرعانوۆ بولدى. قوناەۆتا العاش رەت وتكەن درون-شوۋ مەن اسەرلى كونتسەرت رەسپۋبليكا كۇنىندە قالا تۇرعىندارى مەن قوناقتارىنا ۇلكەن قۋانىش سىيلادى.
الماتى وبلىسى.
