فوتو: ۇلتتىق ۇلان
ساپار بارىسىندا ول پوليتسيا دەپارتامەنتىنىڭ باستىعى پوليتسيا پولكوۆنيگى نۇرسۇلتان مۇقاشەۆپەن بىرگە قىزمەتتىك بورىشىن اتقارۋ كەزىندە قازا تاپقان ىشكى ىستەر ورگاندارىنىڭ قىزمەتكەرلەرىن ەسكە الۋ ەسكەرتكىشىنە گۇل شوقتارىن قويدى.
سونداي-اق گەنەرال-مايور ا. بالتابەكوۆ رەسپۋبليكا كۇنىنە ارنالعان سالتاناتتى ءىس-شاراعا قاتىستى.
ءوز سوزىندە گەنەرال-مايور اڭساعان بالتابەكوۆ قازاقستاننىڭ تاۋەلسىزدىگىن, بىرلىگى مەن تۇراقتى دامۋىن بەينەلەيتىن وسى مەملەكەتتىك مەرەكەنىڭ ەرەكشە ماڭىزىنا توقتالدى. ول زاڭ مەن ءتارتىپتى قامتاماسىز ەتۋ, ازاماتتاردىڭ قاۋىپسىزدىگى جانە وتانعا ادال قىزمەت ەتۋ ىشكى ىستەر جۇيەسىنىڭ ءاربىر قىزمەتكەرىنىڭ قاسيەتتى بورىشى ەكەنىن اتاپ ءوتتى.
ءىس-شارا سوڭىندا ءمينيستردىڭ ورىنباسارى - ۇلتتىق ۇلاننىڭ باس قولباسشىسى جەكە قۇرامدى مەرەكەمەن قۇتتىقتاپ, زور دەنساۋلىق, كاسىبي تابىس جانە وتان يگىلىگى جولىنداعى جاۋاپتى قىزمەتتەرىنە جەتىستىكتەر تىلەدى. رەسپۋبليكا كۇنى قارساڭىندا ول اقمولا وبلىسىنىڭ پوليتسيا قىزمەتكەرلەرىنە قازاقستان رەسپۋبليكاسى ىشكى ىستەر ءمينيسترىنىڭ بۇيرىعىنا سايكەس گراموتالار, مەدالدار مەن ارناۋلى اتاقتاردى تابىس ەتتى.
