فوتو: اۋىل شارۋاشىلىعى مينيسترلىگى
گەرمانيا, چەحيا, اۆستريا, بەلارۋس, يران, رەسەي جانە قىتايدى قوسا العاندا بارلىعى 25 ەلدەن 300-دەن استام كومپانيا قاتىسىپ جاتقان KazAgro/KazFarm كورمەلەرى اگرارلىق سەكتورعا ارنالعان زاماناۋي تەحنولوگيالار مەن شەشىمدەردى ۇسىنادى – دروندار مەن ءدال ەگىنشىلىك جۇيەلەرىنەن باستاپ جاساندى ينتەللەكت نەگىزىندەگى ينتەللەكتۋالدى پلاتفورمالارعا دەيىن. الەمنىڭ جەتەكشى اگرارلىق دەرجاۆالارىنىڭ ۇلتتىق پاۆيلوندارى وسىمدىك پەن مال شارۋاشىلىعى, تسيفرلاندىرۋ جانە تۇراقتى ءوندىرىس سالالارىنداعى يننوۆاتسيالاردى تانىستىرىپ جاتىر.
ونەركاسىپتىك كووپەراتسيانى دامىتۋ, تاجىريبە الماسۋ جانە ەكى ەل اراسىنداعى ينۆەستيتسيالىق ءوزارا ءىس-قيمىلدى كەڭەيتۋ ماقساتىنداعى نەگىزگى ءىس-شارالاردىڭ ءبىرى – قازاقستان-بەلارۋس فورۋمى, ەكى ەل اراسىنداعى اگرارلىق ارىپتەستىكتىڭ دەڭگەيى جوعارى.
اۋىل شارۋاشىلىعى مينيسترلىگىنىڭ مالىمەتىنشە بيىلعى كورمە شەڭبەرىندە جاستار باستامالارى مەن تسيفرلىق تەحنولوگيالارعا ەرەكشە كوڭىل بولىنگەن. «اۋىل» پارتياسىنىڭ ۇيىمداستىرۋىمەن وتكەن AgroHackathon شەڭبەرىندە اگرارلىق جوعارى وقۋ ورىندارىنىڭ ستۋدەنتتەرى «اقىلدى» ەگىنشىلىك, بيوتەحنولوگيا جانە ونىمدىلىكتى تسيفرلىق مونيتورينگتەۋ باعىتتارىنداعى ستارتاپ-جوبالارىن تانىستىرىپ جاتىر. ەڭ ۇزدىك جوبالار ەكسپەرتتىك جانە ينۆەستيتسيالىق قولداۋعا يە بولادى.
