ءۇش توقساننىڭ قورىتىندىسى بويىنشا سالادان تۇسكەن جالپى ءتۇسىم 8,4 تريلليون تەڭگەگە جەتتى. بۇل وتكەن جارتىجىلدىقتاعى كورسەتكىشتەن ەكى جارىم ەسە كوپ. سالىق تۇسىمدەرىنىڭ ەڭ ۇلكەن بولىگى ەلدەگى ءۇش ءىرى جوبا تەڭىز, قاراشىعاناق, قاشاعان كەن ورىندارىنان تۇسكەن. ولاردىڭ ىشىندە ەڭ كوپ ۇلەستى «تەڭىزشەۆرويل» كومپانياسى قامتاماسىز ەتتى. بيىل كومپانيا قازىناعا 2 تريلليون 568 ميلليارد تەڭگە اۋدارىپ, جالپى ءتۇسىمنىڭ 30%-ىن قۇرادى.
ەكىنشى ورىندا «قاراشىعاناق پەتروليۋم وپەرەيتينگ ب.ۆ.» تۇر. كومپانيانىڭ تولەگەن سالىعى شامامەن 1 تريلليون تەڭگە نەمەسە جالپى ءتۇسىمنىڭ 12%-ىنا تەڭ. ال قاشاعان جوباسىن ىسكە اسىرىپ وتىرعان «نورت كاسپيان وپەرەيتينگ كومپاني ن.ۆ.» 341,6 ميلليارد تەڭگە سالىق تولەگەن. بۇل جالپى كورسەتكىشتىڭ شامامەن 4%-ىن قۇرايدى.
تەڭىز, قاراشىعاناق جانە قاشاعان جوبالارى ەلدىڭ ەكسپورتتىق الەۋەتىن دە, قارجىلىق تۇراقتىلىعىن دا قامتاماسىز ەتىپ وتىر. سوندىقتان بۇل سالانىڭ تيىمدىلىگى تەك ءوندىرىس كولەمىمەن ەمەس, مەملەكەتكە قۇيىلاتىن قارجى اعىنىمەن دە ولشەنەدى.
