زاماناۋي تالاپتارعا ساي جابدىقتالعان نىسان كلينيكالىق-باكتەريولوگيالىق زەرتحانالارعا ارنالعان مەديتسينالىق رەاگەنتتەردى وندىرۋگە باعىتتالعان. كاسىپورىننىڭ نەگىزىن قالاۋشى – 40 جىلدان استام تاجىريبەسى بار پروۆيزور, فارماتسەۆتيكا سالاسىنىڭ بىلىكتى مامانى گۋليا بەكسۇلتانقىزى. ول جاڭا ءوندىرىس ورنى ارقىلى ەل مەديتسيناسىنا ساپالى وتاندىق ءونىم ۇسىنۋدى جانە جەرگىلىكتى تۇرعىندار ءۇشىن جاڭا جۇمىس ورىندارىن اشۋدى ماقسات ەتكەن.
سالتاناتتى ءراسىم بارىسىندا وبلىستىق ءماسليحات توراعاسى نۇرالى ءابىشوۆ قۇتتىقتاۋ ءسوز سويلەپ, جاڭا كاسىپورىننىڭ ەل ەكونوميكاسىنا قوسار ۇلەسىنە توقتالدى. ول وڭىردە وسىنداي يننوۆاتسيالىق باعىتتاعى جوبالاردىڭ ارتا ءتۇسۋى – مەملەكەتتىڭ يندۋستريالىق-يننوۆاتسيالىق ساياساتىنىڭ ناقتى ناتيجەسى ەكەنىن اتاپ ءوتتى. ال اۋدان اكىمى ازات ورالباەۆ «دارىن-2030» سەرىكتەستىگىنىڭ باستاماسى – بۇل تەك جاڭا جۇمىس ورىندارى عانا ەمەس, سونىمەن قاتار وتاندىق مەديتسينا مەن دەنساۋلىق ساقتاۋ سالاسىن دامىتۋعا قوسىلعان سۇبەلى ۇلەس ەكەنىن اتاپ ءوتتى.
