فوتو: primeminister.kz
ءمينيستردىڭ ايتۋىنشا, 2026 جىلى جالپى ىشكى ءونىمنىڭ ناقتى ءوسۋى 5,4%-دى قۇرايدى.
«بازالىق نۇسقاعا سايكەس, 2026 جىلى جالپى ىشكى ءونىمنىڭ ناقتى ءوسۋى 5,4%-دى, 3 جىلداعى ورتاشا جىلدىق ءوسۋى 5,3%-دى قۇرايدى. نومينالدى جالپى ىشكى ءونىم 2026 جىلعى 183,8 ترلن تەڭگەدەن 2028 جىلى 229,8 ترلن تەڭگەگە دەيىن وسەدى. ەكونوميكانىڭ ءوسۋى ناقتى سەكتور مەن قىزمەت كورسەتۋ سالاسىنداعى ءوسۋدىڭ ەسەبىنەن قامتاماسىز ەتىلەدى», دەدى سەرىك جۇمانعارين.
سونىمەن قاتار سەرىك جۇمانعارين قازاقستاننىڭ وڭدەۋ ونەركاسىبىندە ينۆەستيتسيالىق جوبالاردى جۇزەگە اسىرۋ ەسەبىنەن ءوسۋ قارقىنى 2026 جىلعى 6,2%-دان 2028 جىلى 6,6%-عا دەيىن ۇلعاياتىنى بولجانىپ وتىرعانىن اتاپ ءوتتى.
ء«ۇش جىلداعى ورتاشا ءوسىم تاۋ-كەن ونەركاسىبىندە – 2,8%-دى, اۋىل شارۋاشىلىعىندا – 3,9%-دى, قۇرىلىستا – 11%-دى, كولىك قىزمەتتەرىندە – 10,1%-دى, ساۋدادا – 6,7%-دى قۇرايدى. ەكسپورت 2026 جىلعى $77,1 ملرد-تان 2028 جىلى $83,7 ملرد-قا دەيىن, يمپورت $67,7 ملرد-تان $75,2 ملرد-قا دەيىن وسەدى دەپ بولجانۋدا», دەدى ۆيتسە-پرەمەر.
بۇل رەتتە ينفلياتسيا بولجامى 2026 جىلى 9-11%, 2027-2028 جىلدارى ورتاشا 6% دەڭگەيىندە ايقىندالعان. ماكروەكونوميكالىق كورسەتكىشتەردىڭ بولجامى نەگىزىندە 2026-2028 جىلدارعا ارنالعان بيۋدجەت پەن ۇلتتىق قور پارامەترلەرىنىڭ بولجامى قالىپتاستىرىلدى.
