فوتو: قورعانىس مينيسترلىگى
قر قارۋلى كۇشتەرى باس شتابىنىڭ گەواقپاراتتىق قامتاماسىز ەتۋ دەپارتامەنتىنىڭ باستىعى پولكوۆنيك سەرىك جولدىباەۆتىڭ ايتۋىنشا, مەتەورولوگيالىق قىزمەتتىڭ ساپاسى ۇشاقتاردىڭ كوتەرىلۋىنەن باستاپ, تەڭىزدەگى كەمەلەردىڭ قوزعالىسى مەن زىمىران ۇشىرۋدىڭ قاۋىپسىزدىگىنە دەيىن تىكەلەي اسەر ەتەدى.
اسكەري ماماندار تەك اۋا رايىن بولجاۋمەن شەكتەلمەيدى. ولار «قازگيدرومەت» قىزمەتىمەن بىرلەسە جۇمىس ىستەپ, سۋ تاسقىنى مەن داۋىل سياقتى توتەنشە جاعدايلاردىڭ الدىن الۋعا قاتىسادى. وسىنداي ءوزارا ءىس-قيمىلدىڭ ارقاسىندا اسكەر تابيعي توسىن جاعدايلارعا بارىنشا دايىن بولادى.
«زاماناۋي تەحنيكانى پراكتيكالىق قولدانۋعا ەرەكشە نازار اۋدارىلۋدا. اسكەريلەر پمس-70 جىلجىمالى مەتەوستانتسياسىن ورنالاستىرۋ ءتارتىبىن جانە فينليانديادا شىعارىلعان CL31 لازەرلىك بۇلت ولشەگىشىن قولدانۋدى پىسىقتادى. بۇل قۇرىلعى بۇلتتى ۇزدىكسىز باقىلاۋعا ارنالعان جانە كەز كەلگەن اۋا-رايىندا تاۋلىك بويى جۇمىس ىستەي الادى, بارىنشا ءدال ولشەۋدى جانە اۆتوماتتاندىرىلعان ۇشۋدى باسقارۋ جۇيەلەرىنە دەرەكتەردى بەرۋدى قامتاماسىز ەتەدى», دەپ حابارلادى قورعانىس مينيسترلىگىنىڭ ءباسپاسوز قىزمەتى.
بۇل باعىتتاعى جەتىلدىرۋلەر ەلدىڭ قورعانىس قابىلەتىن نىعايتىپ, جاۋىنگەرلىك تاپسىرمالاردىڭ دالدىگى مەن قاۋىپسىزدىگىن جاڭا دەڭگەيگە كوتەرمەك.
