فوتو: istockphoto.com
پرەمەر-مينيستر ولجاس بەكتەنوۆ ۇكىمەت وتىرىسىندا سوڭعى جىلدارى تۇرمىستىق گازدان ۋلانۋ دەرەكتەرى كوبەيگەنىن اتاپ ءوتتى. ونىڭ ايتۋىنشا, تەك وتكەن اپتادا عانا اقتوبە وبلىسىندا ءۇش ادام تابيعي گازدان ۋلانىپ كوز جۇمعان, ولاردىڭ ءبىرى – ءجاسوسپىرىم بالا.
«مۇنداي جايتتاردى بارىنشا ازايتۋىمىز كەرەك. قازىر ەلىمىزدە تۇرعىنداردى گازبەن قامتۋ جۇمىستارى قارقىندى ءجۇرىپ جاتىر. گاز جابدىقتارىن ورناتۋ كەزىندە قاۋىپسىزدىك ەرەجەلەرىن قاتاڭ ساقتاۋ قاجەت. گازبەن جىلىتۋ جۇيەسى بار ءار ۇيدە مىندەتتى تۇردە ەسكەرتۋ داتچيگى ورناتىلۋعا ءتيىس», دەدى ولجاس بەكتەنوۆ
سونىمەن قاتار ولجاس بەكتەنوۆ گاز قىزمەتتەرىنە تۇرعىن ۇيلەردە گازدى قاۋىپسىز پايدالانۋ باعىتىنداعى باقىلاۋ جۇمىستارىن كۇشەيتۋدى تاپسىردى. پرەمەر-مينيستر ءوڭىر اكىمدەرىنە بۇل ماسەلەنى ەرەكشە باقىلاۋدا ۇستاپ, قاجەتتى شارالاردى شۇعىل قابىلداۋدى مىندەتتەدى.
