فوتو: ۇكىمەت, تەلەگرام
ول توتەنشە جاعدايلارعا مونيتورينگ جۇرگىزىپ وتىرۋ ءۇشىن جاساندى ينتەللەكت ارقىلى تالداۋ جانە گەواقپاراتتىق جۇيەلەر ەنگىزىلگەنىن اتاپ ءوتتى.
بارلىق ايماقتاردا ءورت ءسوندىرۋ دەپولارى مەن قۇتقارۋ ستانتسيالارىن سالۋ- جاڭارتۋ جۇمىستارى قارقىندى جۇرگىزىلىپ جاتىر. مىسالداپ ايتقاندا 25 ءورت ءسوندىرۋ دەپوسى مەن قۇتقارۋ ستانساسى سالىنىپ, 196 نىسان قايتا جاڭعىرتىلعان. جىل سوڭىنا دەيىن تاعى 23 ءورت ءسوندىرۋ ءبولىمىنىڭ قۇرىلىسىن اياقتاۋ جوسپارلانىپ وتىر.
«توتەنشە جاعدايلار كەزىندە حالىققا كەشەندى كومەك كورسەتۋ ءۇشىن ءورت سوندىرۋشىلەردەن, قۇتقارۋشىلار مەن دارىگەرلەردەن تۇراتىن امبەباپ بولىمشەلەر قۇرىلدى. وسىنداي 5 بولىمشە ارشالى, ماكينسك, مايتوبە, اققۋلى, قارقارالى ەلدى مەكەندەرىندە جۇمىس ىستەپ جاتىر. اتالعان جوبا ەلىمىزدىڭ بارلىق وڭىرلەرىندە كەزەڭ-كەزەڭىمەن ىسكە قوسىلاتىن بولادى», دەدى ش.ارىنوۆ.
ۇكىمەتتىڭ ءباسپاسوز قىزمەتىنەن حابارلانعانداي, پرەمەر-مينيستر ورتكە قارسى ەرەجەلەردى بۇزعانى ءۇشىن ءتيىمدى شارالار قابىلداۋدى تاپسىردى.
جالپى ەلىمىزدىڭ تۇرعىن ءۇي سەكتورىندا ءورت وقيعالارىنىڭ سانى ازايعان. بىراق اتىراۋ, اقمولا, جامبىل, پاۆلودار وبلىستارىندا ونىڭ وسكەنى تىركەلدى.
«نەگىزگى سەبەپ – حالىقتىڭ پەش جاعۋ, سونداي-اق گازبەن جانە ەلەكترمەن جىلىتۋ جۇيەلەرىن قولدانۋ كەزىندە قاراپايىم قاۋىپسىزدىك تالاپتارىنىڭ ساقتالماۋى. ورتكە قارسى ەرەجەلەردى بۇزعانى ءۇشىن ءتيىمدى شارالار قابىلداۋ قاجەت. توتەنشە جاعدايلار مينيسترلىگى ءورت قاۋىپسىزدىگى سالاسىندا ءتۇسىندىرۋ جانە الدىن الۋ جۇمىستارىن كۇشەيتۋى كەرەك», دەپ اتاپ ءوتتى ولجاس بەكتەنوۆ.
پرەمەر-مينيستر ەرىكتىلەر مەن قوعام وكىلدەرىن جۇمىلدىرا وتىرىپ, حالىقتىڭ قاۋىپسىزدىك سالاسىنداعى مادەنيەتىن ارتتىرۋ ءۇشىن ءتۇسىندىرۋ جۇمىستارىن جانداندىرۋ قاجەتتىگىنە نازار اۋداردى. سونداي-اق ءبىلىم وشاقتارىندا ءورت قاۋىپسىزدىگى بويىنشا ينتەراكتيۆتى ساباقتار وتكىزۋ كەرەك.
پرەمەر-مينيستر دەمالىس جانە مەرەكە كۇندەرى تۇرعىن ءۇي سەكتورىندا رەيدتەر جۇرگىزىپ, جىلىتۋ پەشتەرىن تەكسەرۋ قاجەتتىگىن اتاپ ءوتتى. بۇل ىسكە اكىمدىك قىزمەتتەرى مەن ىشكى ىستەر مينيسترلىگىنىڭ قىزمەتكەرلەرىن دە تارتۋ كەرەك.
«رەيدتىك تەكسەرۋ بارىسىندا ءورت شىعۋ قاۋپى بار جانە جىلىتۋ جۇيەسى دۇرىس جۇمىس ىستەمەيتىن ۇيلەر انىقتالۋعا ءتيىس. اتالعان فاكتىلەر بولعان جاعدايدا ولاردى جويۋ بويىنشا جەدەل شارالار قابىلداعان ءجون. سونىمەن قاتار توتەنشە جاعدايلار مينيسترلىگى تەك رەسمي ۇسىنىمدار بەرۋمەن شەكتەلىپ قالماۋى كەرەك. بۇل – ەڭ الدىمەن ادامداردىڭ قاۋىپسىزدىگىنە قاتىستى ماسەلە, سوندىقتان وتە ناقتى ءارى ۇيلەسىمدى جۇمىس قاجەت», دەپ اتاپ ءوتتى ولجاس بەكتەنوۆ.
ولجاس بەكتەنوۆ ءورتتىڭ باسىم بولىگى الەۋمەتتىك تۇرعىدان از قامتىلعان ازاماتتاردىڭ ۇيلەرىندە بولاتىنىنا نازار اۋداردى.
«ماسەلەن, وتكەن جىلىتۋ ماۋسىمىندا ورتتەن قازا تاپقانداردىڭ دەنى – زەينەتكەرلەر, جۇمىسسىزدار, مۇگەدەكتىگى بار ادامدار. ءوڭىر اكىمدىكتەرىنە توتەنشە جاعدايلار مينيسترلىگىمەن جانە ەڭبەك مينيسترلىگىمەن بىرلەسىپ, ءبىر اي ىشىندە حالىقتىڭ الەۋمەتتىك وسال توپتارى تۇراتىن ۇيلەردىڭ ءتىزىمىن ناقتىلاۋدى تاپسىرامىن. ءوڭىر اكىمدىكتەرى وسى ساناتتاعى ادامداردىڭ ۇيلەرىن ەرەكشە باقىلاۋدا ۇستاپ, ولارعا قاجەتتى قولداۋ كورسەتسىن», دەپ اتاپ ءوتتى پرەمەر-مينيستر.
