اتالعان جوبا «عىلىم اكادەمياسى جانە بيزنەس: يننوۆاتسيالىق دامۋ جولى» تاقىرىبىنداوتكەن عىلىمي-وندىرىستىك كەڭەستە تانىستىرىلىپ, تاراپتار مەموراندۋمعا قول قويدى. بۇل قۇجات عىلىم مەن بيزنەستىڭ ءوزارا ءىس-قيمىلىن ينستيتۋتسيونالدىق تۇرعىدا نىعايتۋدىڭ جانە ينتەگراتسيالىق جوبالاردى دامىتۋعا ۇزاق مەرزىمدى نەگىز قالاۋ جولىنداعى ماڭىزدى قادام بولىپ تابىلادى.
- نارىق كونيۋنكتۋراسىنىڭ جىلدام وزگەرىپ وتىرعان جاعدايىندا قازاقستاندىق بيزنەس ءۇشىن باعىت-باعدار تابۋ بارعان سايىن قيىنداي تۇسۋدە, اسىرەسە كليمات, شيكىزاتتىڭ الەمدىك باعالارى مەن لوگيستيكالىق شەكتەۋلەر سياقتى سىرتقى فاكتورلارعا ايتارلىقتاي تاۋەلدى اۋىل شارۋاشىلىعى سالاسىندا. مۇنداي جاعدايدا ينتۋيتسياعا عانا سۇيەنگەن ينۆەستيتسيالار كوبىنە نەگىزسىز ءارى شىعىندى بولىپ جاتادى. سوندىقتان عىلىمي ۆەريفيكاتسيانى باستى شارت رەتىندە ايقىندايتىن جاڭا باسقارۋشىلىق پاراديگما قاجەت: الدىمەن - ستاندارتتالعان زەرتتەۋلەر مەن سىناقتار, سودان كەيىن - يندۋستريالىق دەڭگەيگە دەيىن كەڭەيتۋ. ءدال وسىلاي الەمنىڭ جەتەكشى اگرارلىق ەكونوميكالارى جۇمىس ىستەيدى,- دەپ اتاپ ءوتتى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ.
ۇلتتىق عىلىم اكادەمياسى مەن «KMG PetroChem» جشس اراسىنداعى وتاندىق كارباميد ءوندىرىسىن ىسكە قوسۋ جوباسى شەڭبەرىندەگى ىنتىماقتاستىق - جاڭا عىلىمي-يندۋستريالىق ۇلگىنىڭ قالىپتاسۋىنىڭ ايقىن مىسالى بولىپ تابىلادى.
«KMG PetroChem» جشس (او «قازمۇنايگاز» ۇك» اق-نىڭ 100 پايىز ەنشىلەس ۇيىمى) باسقارما توراعاسى دياز ديانوۆتىڭ ايتۋىنشا, ەلىمىزدىڭاگرارلىق سالاسى ءۇشىن كارباميد — جاي عانا تىڭايتقىش ەمەس, ول ونىمدىلىكتى ارتتىرۋدىڭ, جەر رەسۋرستارىن ءتيىمدى پايدالانۋدىڭ جانە ازىق-ت ۇلىك قاۋىپسىزدىگىن قامتاماسىز ەتۋدىڭ نەگىزگى تەتىگى بولىپ تابىلادى.
«ەلدە اۋىل شارۋاشىلىعى الەۋەتى زور بولعانىمەن, مينەرالدىق تىڭايتقىشتاردى قولدانۋ دەڭگەيى ءالى دە وتە تومەن. قىركۇيەك ايىنىڭ باسىندا شىۇ اياسىندا CNPC كومپانياسىمەن كارباميد وندىرەتىن زاۋىت سالۋ جونىندە نەگىزدەمەلىك كەلىسىمگە قول قويىلدى — بۇل جوبا جاڭا دەڭگەيگە كوتەرىلگەنىن ايعاقتايتىن ماڭىزدى قادام.جىلىنا 800 مىڭ تونناعا دەيىن تىڭايتقىش ءوندىرۋ قۋاتىنا يە زاۋىتتى ىسكە اسىرۋ فەرمەرلەردى قولجەتىمدى وتاندىق ونىممەن قامتاماسىز ەتىپ, يمپورتقا تاۋەلدىلىكتى ازايتادى جانە بۇكىل اگروونەركاسىپتىك كەشەننىڭ تۇراقتى وسۋىنە بەرىك نەگىز قالايدى» دەدى د.دايانوۆ.
اكادەميا عىلىم مەن بيزنەستىڭ ءوزارا بايلانىسى مەن ءتيىمدى ءىس-قيمىلىنىڭ ستراتەگيالىق تۇرعىدان نەگىزدەلگەن مودەلىن قۇراستىرۋعا ىقپال ەتىپ وتىر. بۇگىنگى تاڭدا اكادەميا نەگىزگى اگرارلىق ايماقتاردا سىناقتاردى ۇيلەستىرۋدە. اتاپ ايتقاندا, بۇل جۇمىستار ا. ي. باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ (اقمولا وبلىسى), قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتىنىڭ (الماتى وبلىسى), قارابالىق تاجىريبە ستانتسياسىنىڭ (قوستاناي وبلىسى) جانە «ناۋرىز» شارۋاشىلىعىنىڭ (اقتوبە وبلىسى) بازالارىندا جۇرگىزىلۋدە.ءبىرتۇتاس ادىستەمەلىك نەگىزدە باقىلاۋ جانە تاجىريبە ناتيجەلەرى, ەنگىزۋ مولشەرى مەن مەرزىمدەرى, قولدانۋ تاسىلدەرى (نەگىزگى جانە ۇستەپ قورەكتەندىرۋ) سالىستىرىلادى, سونداي-اق توپىراقتىڭ ىلعال قورى مەن جاي-كۇيى ەسكەرىلەدى.سونىمەن قاتار شارۋاشىلىق دەڭگەيىندە ەكونوميكالىق ەسەپتەۋلەر جۇرگىزىلۋدە: ونىمدىلىكتىڭ ءوسۋ قۇنى, ءوزىن-ءوزى اقتاۋ شەگى انىقتالادى.زەرتتەۋلەردىڭ قورىتىندىسى رەتىندە ءار ايماق پەن داقىل تۇرىنە ارنالعان ناقتى ۇسىنىستار مەن اشىق رەگلامەنتتەر ازىرلەنەدى.
بۇل كەلىسىم عىلىم مەن ءوندىرىستىڭ ءوزارا ىقپالداستىعىنىڭ, سونداي-اق بيزنەستىڭ عىلىمي زەرتتەۋلەرگە ينۆەستيتسيا سالۋى ارقىلى ولاردىڭ ناتيجەلەرىن تاجىريبەگە ەنگىزۋدىڭ ناقتى ۇلگىسى بولماق. تالقىلاۋلار بارىسىندا كارباميدتى قولدانۋ تاجىريبەسى قاراستىرىلىپ, وتاندىق تىڭايتقىش ءوندىرىسىن دامىتۋ بارىسى, سونداي-اق مۇناي-گاز حيمياسى مەن اگرارلىق سەكتوردىڭ ءوزارا ىقپالداستىعى ارقىلى قازاقستاننىڭ ازىق-ت ۇلىك قاۋىپسىزدىگىن نىعايتۋدىڭ نەگىزگى باعىتتارى ايقىندالدى.
الماتى
