فوتو: istockphoto.com
بۇل كورسەتكىش 2024 جىلدىڭ سوڭىمەن سالىستىرعاندا 266 ميلليونعا كوپ, ال تەحنولوگيانىڭ ەنۋ دەڭگەيى 36,5 پايىزعا دەيىن ارتقان.
زەرتتەۋ ناتيجەلەرى كورسەتكەندەي, جاساندى ينتەللەكتكە دەگەن ەڭ جوعارى قىزىعۋشىلىقتى جاستار مەن ءبىلىمدى ازاماتتار تانىتىپ وتىر. پايدالانۋشىلاردىڭ 74,6 پايىزى 40 جاسقا دەيىنگى تۇرعىندار بولسا, ولاردىڭ 37,5 پايىزى جوعارى ءبىلىمدى.
قىتايلىق گەنەراتيۆتى مودەلدەر ەل ىشىندە كەڭىنەن قولدانىس تاپقان. ولار ينتەللەكتۋالدى اقپارات ىزدەۋ, تسيفرلىق كونتەنت جاساۋ, كەڭسە جۇمىستارىن اۆتوماتتاندىرۋ جانە «اقىلدى» قۇرىلعىلاردى باسقارۋ سياقتى سالالاردا بەلسەندى پايدالانىلادى.
سونداي-اق, ەسەپتە قىتايدىڭ الەمدىك جاساندى ينتەللەكت نارىعىنداعى ىقپالىنىڭ ارتىپ كەلە جاتقانى اتاپ وتىلگەن. 2025 جىلدىڭ ءساۋىر ايىنداعى دەرەكتەر بويىنشا, ەلدە جاساندى ينتەللەكتكە قاتىستى 1,576 ميلليون پاتەنتتىك ءوتىنىم بەرىلگەن. بۇل الەمدەگى بارلىق وتىنىمدەردىڭ 38,58 پايىزىن قۇرايتىن, جاھاندىق دەڭگەيدەگى ەڭ جوعارى كورسەتكىش.
