«ۇستىمىزدەگى جىلى ايتەكە بي اۋدانىنىڭ ايكە, تەرەڭساي, قياقتى جانە ۇلعايسىن اۋىلدارىنا گاز تارتۋ جوسپارى قويىلعان بولاتىن. قازىر ەكى جوبا ورىندالدى. ەندى قىس تۇسكەنشە قياقتى مەن ۇلعايسىن اۋىلدارى دا كوگىلدىر وتىنعا قوسىلادى. قازىرگى ۋاقىتتا ەكى ەلدىمەكەندە قۇبىردى كوشەلەرگە تارتۋ جۇمىسى ءجۇرىپ جاتىر. جەر قاتىپ, كۇن سۋىتقانشا مەردىگەر جۇمىستارىن اياقتايدى دەپ كۇتىپ وتىرمىز. ءتورت اۋىلدى قوسقاندا, اۋدانىمىزداعى كوگىلدىر وتىنعا قوسىلعان ەلدىمەكەندەر سانى 18-گە جەتەتىن بولادى. بۇل اۋدان تۇرعىندارىنىڭ 87,5 % -ى», دەدى ايتەكە بي اۋدانىنىڭ اكىمى داۋلەتيار توعىزباەۆ ايكە مەن تەرەڭسايداعى گاز قۇبىرىن تارتۋ راسىمىندە.
اقتوبە وبلىسىنىڭ تۇرعىندار سانى 500-دەن اساتىن ەلدىمەكەندەرىندە ينفراقۇرىلىمدىق جوبالار سالۋ جۇمىسى كەلەسى جىلى دا جالعاسا بەرەدى.
اقتوبە وبلىسى
