جوسپار مەملەكەت باسشىسى قاسىم-جومارت توقاەۆتىڭ حالىققا جولداۋىندا كورسەتىلگەندەي اۋقىمدى ەكولوگيالىق اپات قاۋپىنە الاڭ كوڭىلمەن قاراپ, ستۋدەنت جاستاردا ەكولوگيالىق مادەنيەتتى قالىپتاستىرۋ مەن اينالمالى ەكونوميكانى دامىتۋعا تارتۋ باعىتىندا, سونداي-اق ء«بىلىم تۋرالى» زاڭعا سايكەس ازىرلەندى. قول قويىلعان جوسپاردىڭ ماقساتى – ەكولوگيا, تۇراقتى دامۋ مەن ەكولوگيالىق ءبىلىم بەرۋ سالاسىنداعى باستامالاردى ىسكە اسىرۋعا مەملەكەتتىڭ, ازاماتتىق قوعامنىڭ جانە بيزنەستىڭ ءوزارا ءىس-قيمىلىنىڭ ناقتى پلاتفورماسىن قۇرۋ.
جوبا ەكولوگيالىق مادەنيەتتى دامىتۋعا, تۇراقتى دامۋ قاعيداتتارىن ىلگەرىلەتۋگە ءارى «جاسىل ەكونوميكا» نەگىزدەرىن ەلدىڭ جوعارى ءبىلىم بەرۋ جۇيەسىنە ەنگىزۋگە باعىتتالعان. جوسپاردىڭ نەگىزگى مىندەتتەرىنىڭ قاتارىندا ەكولوگيالىق ءبىلىم بەرۋ مەن تاربيە سالاسىنداعى جاستار باستامالارىن دامىتۋعا جاردەمدەسۋ, جوو بازاسىندا ستۋدەنتتىك ەكو-كلۋبتار مەن عىلىمي قاۋىمداستىقتاردى دامىتۋ, ءار قالدىقتى بولەك جيناۋ مەن «جاسىل كامپۋستاردى» دامىتۋ جونىندەگى جوبالاردى ىسكە اسىرۋ, سونداي-اق «جاسىل» جوبالاردى ىلگەرىلەتۋ جانە سەرىكتەستەر مەن ينۆەستورلاردى تارتۋ بار.
جوسپار CCI Kazakhstan كومپانياسىنىڭ ون جىلدىق تاجىريبەسى مەن تابىستى «3.2.1. Start!» جوباسىنىڭ جەتىستىكتەرىنە نەگىزدەلگەن, جانە دە ول جوبا بيىلعى جىلى «ReStart» دەپ اتالاتىن جاڭا فورماتقا كوشىپ, تۇراقتى دامۋ مەن ەكو-اعارتۋعا نازار اۋدارا وتىرىپ, پلاستيكتى بولەك جيناۋ ءارى قايتا وڭدەۋ مادەنيەتىن دامىتۋدىڭ ەڭ ءىرى ەكوپلاتفورماسىنا اينالدى. تەك قانا 2024 جىلدىڭ وزىندە جوعارى وقۋ ورىندارىنىڭ ستۋدەنتتەرى – قازماۋ, قبتۋ, Satbayev University, قازۇازۋ, م.قوزىباەۆ اتىنداعى سقۋ جانە باسقالار -17 توننادان استام پلاستيكالىق قالدىقتاردى جيناپ, ولاردى جاڭا بۇيىمدارعا اينالدىرعان.
بيىل جوبانىڭ توعىزىنشى ماۋسىمىندا ستۋدەنتتەردىڭ جالپى سانى 100 مىڭنان اساتىن 14 جوو قاتىستى. ءبىر جىل ىشىندە ستۋدەنتتەر 35 توننادان استام پلاستيك جينادى, بۇل وتكەن ماۋسىمنىڭ كورسەتكىشتەرىنەن اسىپ ءتۇستى جانە جوبا بۇكىل ەل بويىنشا 15 سەنبىلىك وتكىزدى. CCI Kazakhstan كومپانياسىنىڭ كورپوراتيۆتىك جانە رەتتەۋشى قاتىناستار جونىندەگى ديرەكتورى ءاليما يسەمباەۆا جوسپارعا قول قويۋ راسىمىندە ءسوز سويلەدى.
«بيىل جوبا ءوزىنىڭ ونجىلدىعىن اتاپ وتۋدە, ول دامۋدىڭ جاڭا كەزەڭىمەن – «ReStart» جاڭارتىلعان اتاۋىمەن جانە اۋقىمدى ميسسياسىمەن, ستۋدەنتتەردىڭ كۇندەلىكتى ومىرىنە قالدىقتاردى جۇيەلى تۇردە بولەك جيناۋدى ءارى ورنىقتى دامۋ قاعيداتىن ەنگىزە وتىرىپ, ەلدىڭ ودان دا كوپ ۋنيۆەرسيتەتتەرىن قامتۋ سىندى ماسەلەمەن ساي كەلىپ وتىر. عىلىم جانە جوعارى ءبىلىم مينيسترلىگىمەن بىرلەسىپ جۇمىس ىستەۋ-ازاماتتىق قوعامنىڭ, مەملەكەتتىڭ جانە بيزنەستىڭ ءتيىمدى سەرىكتەستىگى ناقتى ناتيجەگە قالاي قول جەتكىزەتىنىن ءارى ەكولوگيالىق جاۋاپتى ۇرپاقتى قالىپتاستىرا الاتىنىن كورسەتەتىن ماڭىزدى قادام», دەدى ول.
جوبانى ىسكە اسىرۋ جىلدارىندا ونداعان ستۋدەنتتىك ەكو-كلۋبتار قۇرىلدى, قالدىقتاردى بولەك جيناۋ مەن قايتا وڭدەۋ بويىنشا كوپتەگەن باستامالار ازىرلەندى, ولاردىڭ كوپشىلىگى ۋنيۆەرسيتەتتەردىڭ تۇراقتى تاجىريبەسىنە اينالدى. اتاپ ايتقاندا, Satbayev University-دە پلاستيكالىق قاقپاقتاردى جيناۋ جانە ولاردى شاعىن ساۋلەت نىساندارىنىڭ ەلەمەنتتەرىنە قايتا وڭدەۋ جۇيەسى ەنگىزىلدى, قازۇازۋ-دا «جاسىل كامپۋس» جوباسى ىسكە اسىرىلدى, ال م.قوزىباەۆ اتىنداعى سقۋ-دا ستۋدەنتتەر قايتا وڭدەلگەن پلاستيكتەن جاسالعان كادەسىي جەلىسىن دامىتۋدا.
«ReStart» – تىڭ جارقىن تۇلەكتەرىنىڭ قاتارىنا Rocket Plastic, Recycle Birge جانە EcoCashback – تۇراقتى ينفراقۇرىلىمدار مەن دامۋدى جالعاستىراتىن الەۋمەتتىك كاسىپورىندارعا اينالعان ستارتاپتار كىرەدى. «ReStart» باستاماسى – تۇراقتى دامۋدىڭ جاڭا كەزەڭى ءارى قازاقستاننىڭ 2030 – كۇن ءتارتىبىن ىسكە اسىرۋعا قوسقان ۇلەسى بولماق. ء«بىز مەملەكەتتىڭ, بيزنەستىڭ جانە ازاماتتىق قوعامنىڭ كۇش-جىگەرىن بىرىكتىرۋ قازاقستاننىڭ بۇۇ-نىڭ تۇراقتى دامۋ ماقساتتارىنا قول جەتكىزۋى ءۇشىن بەرىك نەگىز قۇراتىنىنا سەنىمدىمىز», دەدى كواليتسيانىڭ باسقارما توراعاسى ءاليا راحىمبەكوۆا.
«جاسىل ەكونوميكانى» قولداۋ جانە G-Global-دى دامىتۋ» كواليتسياسى» زتب قۇرىلعان ساتتەن باستاپ ەلىمىزدە تۇراقتى دامۋ مەن كليماتتىق اعارتۋ يدەيالارىن ىلگەرىلەتۋدىڭ ساراپتامالىق, ادىستەمەلىك جانە قوعامدىق ورتالىعى سانالادى. قۇجاتقا عىلىم جانە جوعارى ءبىلىم مينيسترلىگى تاراپىنان ۆەدومستۆونىڭ اپپارات باسشىسى ماديار قوجاحمەت قول قويىپ, يگى شارا ەكولوگيالىق ءبىلىم بەرۋ مەن جاستار تاربيەسىن دامىتۋداعى ماڭىزدى قادام ەكەنىن ايتتى.
«ReStart» جوباسى-جاستاردىڭ ەكولوگيالىق ويلاۋى مەن تابيعاتقا ۇقىپتى قاراۋ مادەنيەتىن بىرلەسىپ قالىپتاستىرۋدىڭ جارقىن مىسالى. جوسپاردى ىسكە اسىرۋ ايتارلىقتاي ناتيجە بەرەتىنىنە ءارى ەلىمىزدىڭ تۇراقتى بولاشاعىن دامىتۋعا ۇلەس قوساتىنىنا سەنەمىن», دەدى ماديار قوجاحمەت.
