«ساۋكەلەمىزدىڭ بيىكتىگى كوكپەن تالاسىپ, شىڭمەن تىرەسىپ تۇرسىن دەدىك. سوندىقتان ونى 5 مەتر 20 سانتيمەتر ەتىپ جاسادىق. ال, ويۋ-ورنەگىن تەرەڭ ماعىنامەن كومكەرۋدى ءجون كورىپ, ساۋكەلەنىڭ كەيپىنەن جەر انانىڭ بەينەسىن جاسادىق. ءبىر قولىمەن الەمدى, ءبىر قولىمەن بەسىكتى تەربەتكەن انا – ءومىردىڭ ماڭگىلىگىن, تىرشىلىكتىڭ ءتۇپ-تامىرىن بىلدىرەدى. سول سەبەپتى ويۋىن ءومىر اعاشى بەينەسىندە ورنەكتەدىك», دەدى جوبا اۆتورى اقمارال داۋىلباەۆا.
بىرەگەي ەكسپونات 30-دان استام تۇركى حالىقتارىنىڭ ويۋ-ورنەكتەرىمەن بەزەندىرىلگەن. ايەلدەرگە ارنالعان ۇلتتىق باس كيىمنىڭ بيىكتىگى 5 مەتردەن اسسا, جابۋى 600 مەتر. سونىمەن قاتار, ساۋكەلە حالىقارالىق «Global Book of Records» رەكوردتار كىتابىنا ەنىپ, ارنايى سەرتيفيكات تابىستالدى.
قازاقستاننىڭ رەكوردتار كىتابىنىڭ رەسمي وكىلى قۋاندىق قۇدايبەرگەنوۆ تۇركىستانعا ارنايى كەلىپ, ساۋكەلەنىڭ رەكوردتىق مارتەبەسىن رەسمي تۇردە جاريالادى. ول الەمدە مۇنداي ۇلكەن باس كيىمدى ەشكىم جاساماعانىن, جوبانى گيننەستىڭ ءۇشىنشى الەمدىك رەكوردتار كىتابىنا ەنگىزۋ ءۇشىن تىركەۋ باستالعاندىعىن ءمالىم ەتتى.
