فوتو: gov.kz
زاڭ جوباسىندا جەكە پروفيلاكتيكاعا ەرەكشە ءمان بەرىلىپ وتىر. قۇقىق بۇزۋشىلىقتى ەرتە انىقتاۋ جانە الدىن الۋ ءۇشىن قوسىمشا جەكە شارالار ەنگىزىلەدى.
بۇل قاتاردا رەسمي ەسكەرتۋلەر, تسيفرلىق وتباسى كارتاسى ارقىلى جەكە تۇلعالاردى تىركەۋ, كامەلەتكە تولماعاندارعا تاربيەلىك قولداۋ كورسەتۋ جانە ىقتيمال قۇرباندارمەن بايلانىسقا تىيىم سالۋ شارالارى بار.
مۇنداي قادامدار قاۋىپكە دەر كەزىندە دەن قويۋعا جانە بۇزۋشىلىقتاردىڭ قايتالانۋىن بولدىرماۋعا مۇمكىندىك بەرەدى. جەكە الدىن الۋ شارالارى قولدانىلاتىن قۇقىق بۇزۋشىلىق جاساۋعا بەيىم تۇلعالاردىڭ ءتىزىمى كەڭەيتىلەدى. قۇقىق بۇزۋشىلىق جاساۋ ىقتيمالدىعى جويىلعانعا دەيىن «قاساقانا قۇقىق بۇزۋشىلارعا» قاتاڭ پروفيلاكتيكالىق شارالار قولدانىلادى. سونىمەن قاتار باس بوستاندىعىنان ايىرۋ ورىندارىنان بوساتىلعان بارلىق تۇلعالارعا اكىمشىلىك قاداعالاۋ ەنگىزىلەدى. (قازىرگى ۋاقىتتا بۇل تەك پەدوفيلدەرگە, لاڭكەستەرگە جانە قايتالاپ قىلمىس جاساعاندارعا قاتىستى).
بۇل شارا ولاردىڭ الەۋمەتتىك نورمالار مەن وڭالتۋ شارتتارىن ساقتاۋىن باقىلاۋعا مۇمكىندىك بەرىپ, الەۋمەتتىك وڭالتۋ ولاردىڭ دۇرىس جولعا تۇسۋىنە كومەكتەسەدى.
